怕醜系文青 – 施穎欣

怕醜系文青 – 施穎欣

澳門、澳洲代表都嚟參加過喇!今次有英國代表tim呀!Joey ( 施穎欣 ) ,中三就去咗英國讀書,一個人喺外國生活咗7年,依然係怕醜妹一名,鍾意畫畫、影相,而家喺全球Top 3讀珠寶設計嘅大學讀緊Year 2。

 

撰文: Joanne

Joey本來喺滬江維多利亞學校讀中學,到中三嗰陣,佢已經好清楚自己第時想讀同藝術有關嘅學科,而呢方面始終係外國發展得比較好,於是就喺父母嘅支持下,去咗英國讀書喇。初初過到去,最唔適應就係天氣同食嘅嘢,去咗三個月就肥咗4、5磅,仲成日病,都幾慘豬架!

0475

同相比香港,Joey覺得喺英國讀書會輕鬆啲,不過到大學就要睇自己自唔自覺。佢建議想去英國留學嘅同學,最好帶多幾包藥傍身,因為「天氣不似預期」呀!同埋要諗清楚將來自己想讀咩科目,如果唔係會讀得好辛苦,要重讀嘅話,就嘥晒啲時間喇!

0622

Joey就讀嘅英國伯明翰城市大學,係全球top 3讀珠寶設計嘅大學。佢覺得珠寶設計比起其他art 係難啲嘅,因為每方面都要有基本嘅知識,例如化學、製衣.等等,自問有創意同埋有自己style嘅,不妨可以試吓報讀架!

0655

叫得做文青,平時都係鍾意畫吓畫呀,影吓相呀,同去吓旅行啦!不過Joey人在英國,去個短trip,都可能係鄰近嘅歐洲國家,再短啲,都係英國一日遊啦!真係令人羨慕啦!

0543

去咗英國7年,Joey話鐘意英國女仔啲樣成個barbie咁,fashion 比較簡約。不過男仔呢,就鍾意香港男仔多啲喎,除咗溝通同文化一樣,重點係佢怕自己襯唔起英國男仔!

0772

出年就大學畢業喇,Joey打算到時會搵一份同珠寶設計有關嘅工,都會喺英國留多一、兩年,同時都會試吓設計自己品牌嘅首飾放上網賣,如果有機會,希望可以同其他珠寶設計師合作啦!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

 

攝影: Clay Lam

拍攝: Anthony Leong

剪接:Ks

美術:Linda

Hair+Makeup: [email protected] EM Makeup

場地提供:Le Secret by MioXpace (9711 9533)

 

 

更多精選內容