準媽咪 張嘉兒 力數婦產科醫生三宗罪

準媽咪 張嘉兒 力數婦產科醫生三宗罪

去年9月與金融才俊Nathan Lau結婚的張嘉兒,其後造人成功,預產期9月。為了確保BB健康出世, 張嘉兒 經常去睇產科,而早前佢拍片力數某婦產科醫生三宗罪,包括八卦、唔專業、同埋十問九唔應!

 

撰文_東方新地
編輯_Heidi Lau

clip_51-1024x495

暗名力數

於大約十分鐘片段中, 張嘉兒 表示最近有朋友介紹去中環某婦產科診所驗孕,雖然價錢貴,但因為口碑好所以都去睇,不過由於該醫生太出名預約期滿,所以張嘉兒 於姑娘介紹下,去試同一診所的另一位醫生,結果咁就瀨嘢,而 張嘉兒 全程沒提及醫生及診所名字!

13346609_1714531598815645_5420765124468628527_n

罪項一 查家宅侵犯私隱

由於懷孕需要成日睇醫生檢查, 張嘉兒 片中表示認為搵合適同夾嘅醫生好重要,點知對方唔係關心佢同BB健康,反而八卦想知佢拍劇時經歷:「可能你哋會覺得好小事,揀醫生真係人夾人緣,如果同呢個人唔夾,就係唔掂。最初佢問我同屋企人有咩病歷,或者呢胎係計劃懷孕,抑或係意外。跟住問我做咩職業,知道我做演員後,就問我拍劇辛唔辛苦,拍咩角色,使唔使拍通宵,但呢啲唔係睇醫生會問你嘅問題。你嗰陣嘅心情唔係想佢問呢啲嘢,已經覺得佢好八卦,仲要問埋我家姐結咗婚未、有冇BB,好似侵犯我私隱咁,覺得唔舒服。」

13533107_1726331677635637_3509153455275652121_n

罪項二 唔夠專業

張嘉兒 認為該醫生表現唔夠專業,尤其提到佢患有多囊卵巢症時,對方回答勁寸,令嘉兒唔好受:「最大問題係我有多囊卵巢症,每月經期唔定時,會引致難懷孕,所以擔心會唔會好易流產。當問到我關心嘅問題時,佢好寸咁話scan咗咪知囉。本身已經唔鍾意佢問我啲私人問題,嗰一刻真係好嬲!我明白醫生唔想令到病人恐慌,但其實佢應該用數據去分析我聽。」

clip_9

罪項三 十問九唔應

懷孕33周嘅 張嘉兒 又表示期間有向該醫生詢問大肚婆飲食禁忌,點知該醫生全程要佢自問自答:「好多人都知海鮮唔食得,我都有呢個正常知識,但都會想問吓醫生意見,但我好似係自問自答咁,吓吓我答番佢,其實自己上Google都得啦!」

更多精選內容