8號風球繼續工作

8號風球繼續工作

專欄

廣告

熱帶強烈風暴妮妲為香港帶來半天假,但係有好多工種係冇假放嘅,例如我從事左18年嘅化妝師工作。我記得曾經有一次打風,咁啱有客結婚,當然繼續要冒着風雨去幫佢化妝啦!但係除咗做化妝師之外,好多職業例如醫生護士,交通工具司機,物業管理員等等,都不分晝夜,不理天氣惡劣 ,好值得我哋敬佩。

琴日知道會打風,都已經落咗去超級市場入定貨做足準備,但係大意嘅我唔記得咗逢星期二,屈臣氏蒸餾水公司會送水來屋企,見一點鐘變返3號風球,就諗住落街買水同埋食午餐。準備換衫出門口嘅時候電話響起,原來水公司正在送水途中,好彩我仲未去買水。

其實我哋係英國屋企,一打開水喉就可以飲用食水,但係喺香港,老外老公話飲蒸餾水好啲,所以我哋已經幫襯左屈臣氏蒸餾水五年㗎啦!喺第四年嘅時候,水公司仲主動同我地換過部水機,依家呢部新款水機嘅水溫調教比以前更加好。食完午餐返屋企,原來水已經送到府上,估唔到啱啱落8號風球,佢哋嘅工作效率真係同颱風一樣咁快!

 

 

Jasmine好細個已經識得自己斟水啦,因為呢個水機可以調校冷熱,如果唔按加熱,紅色制只會出室溫嘅水,藍色制就會出冰凍嘅水,啱晒夏天。話咁快,我哋又有水飲啦!