孖車得單車又得的Strollers !

孖車得單車又得的Strollers !

之前一直都無特別介紹過bb車,因為一直用果架都唔算好好,所以都唔敢介紹。小baby就黎到,都苦惱緊雙b車係咪一個option。雖然而家謹子少左好多坐車,但你話有無需要,有時都真係幾有,我都怕見到小朋友四五六歲牛哥馬大都仲坐bb車,但謹子得果歲幾,小bb出世時,謹子先岩岩兩歲,去足半日全日街都會好累實要午睡,所以考慮孖車都是有必要的。之前試過用的bb車都好大架,所以找一架好方便好fit,但也同時穩陣實淨的bb車從來都是我的目標呢!香港地度度都好窄,屋企又細,孖車有幾大舊,都唔需要去講,所以的確又唔係最好既選擇。

誰知係我爆頭痛之際發現了Combi F2 plus AF原來兩架車一齊時,可以連接合體,無需要時又可以分拆,實在太太太適合我地有兩個孩子的family!落街或去短程時,大bb唔需要坐車時,就可以推一架。到去遠街時,明知大b會訓著和扭抱時,就可以將兩車合體,媽媽或爸爸一個人也可以單手出街推兩隻小魔怪去玩,實在太正!

上一代F2 推出時已經勁想買,因為個款好靚又有我最愛既粉紅色,同埋好輕。不過果時謹子已經坐緊另一架,就無特別去換。今次就正啦,可以一次過換晒,仲要唔偏心,大小bb 都有新車,謹子就粉紅色,小bb未知性別就選定紅色,到時交換顏色坐又得。

F2 plus AF的好處是一個月大的New born都適合坐,諗起到時初生小b同大謹子孖車出街,謹子姐姐可以坐係bb旁邊同佢玩哄佢笑就已經心都甜啦!

由於小bb未到,所以未能夠真正分享兩車合體的利與弊,等多我幾個月後,小b到來時再真正分享!不過而家單車推住謹子都覺得十分唔錯,輕(3.9kg)得來是穩陣的,明顯堅固唔擔心品質,亦好易收,單手真的收到(就算我大住個肚收車都無問題),個樣靚就一定,另外,我仲鐘意車身夠高。不過,都總有少許缺點就是推車行路時,我和大金毛都有試過踢到後蹗,感覺後蹗太近推車者的腳,唯有唔好行咁近個蹗,習慣下啦!

大家有興趣就自己去各大嬰兒用品部看看實物,推下覺得順唔順,收下車覺得就唔就手,始終每個爸媽喜歡的bb車類型都唔同,大家去比較下啦!

另外,過多一兩個月後就會再推出「合體器」將兩架bb車合體,期待到時再試用合體功能後再跟大家分享!

13879189_10154311893640320_5458431785610420027_n13631403_10154311893490320_2701493230441111525_n

13906930_10154311893540320_230480723655333414_n13895579_10154311893405320_1554767654032493503_n

13880409_10154311893300320_3280004803183341799_n13907142_10154311893560320_1077424329173549977_n

更多精選內容