勇闖10,000呎迷宮！玩轉愉景灣繽紛盛夏@Parent婷
廣告
(Presented by 香港愉景灣)
一家大細暑假有咩玩？唔想小朋友匿喺屋企玩手機，梗係要帶佢哋出去玩番轉！想搵個地方玩足室內、戶外遊戲，再搵間靚靚餐廳醫肚，我有好介紹！講緊嘅係愉景灣今個夏日嘅「繽紛盛夏」活動，唔單止可以玩全港最大嘅沙灘充氣迷宮，文靜嘅小朋友仲可以參加小手工製作，玩到攰仲可以對住靚景食餐勁～ 今次我仲會教埋大家玩樂攻略，大人小朋友都啱玩！
必讀！愉景灣玩樂攻略
玩足一日，有得玩又有得抖，啱晒一家大細。小朋友玩得盡興，我哋做家長嘅又唔會虛脫！即刻預備行裝，開始親親盛夏，Let’s Go！
13:00－15:00必玩！大型吹氣迷宮
夏天梗係要同陽光玩遊戲啦！搭船到愉景灣後，立即見到七彩繽紛嘅充氣迷宮橫跨成個大白灣沙灘，好壯觀！走入過萬呎迷宮裡面，唔單止要動腦筋搵出路，仲有好多個障礙挑戰，對家長同小朋友嚟講都充滿考驗！
15:00－17:00必影！七彩立體裝置
玩完迷宮之後，係時候去愉景北商場影靚相！嗰度有好多色彩藝術裝置，以唔同顏色嘅線條交織出立體圖案，影家庭照一流！
必到！創意色彩藝廊
玩到咁上下，係時候轉戰室內活動，順道抖抖涼～ 我哋可以帶小朋友到室內嘅色彩藝廊，有互動色輪、陀螺椅園地同彩球創意牆，可以等小朋友輕輕鬆鬆咁學習有關色彩嘅知識。藝廊另一邊仲有創意工作坊，提供一系列手作活動，好似D.I.Y草帽、皇冠製作、泡泡畫作等，全部都好有趣，唔單止可以俾小朋友發揮創意，仲係好好嘅親子活動！
17:00－18:30必試！多國美食伴美景
玩足全日，係時候要醫肚喇！無論係沙灘旁嘅D’Deck，抑或係愉景北商場，都有好多美食選擇，泰國菜、日本菜、新派法國菜、西班牙菜等應有盡有，加埋無敵大海景，又係影靚相打卡嘅時候，相機食先！
