DGS正評女神-譚亦晴

DGS正評女神-譚亦晴

拔萃女書院(DGS)冇錯係神級名校,啲學生出哂名係成績、運動、藝術樣樣都咁掂!不過,喺學生嘅社交圈入面,DGS啲囡囡就好似特別多負評,成日俾人話又串又囂,唔係「港女」就係有「公主病」。不過今次嘅主角Kitty(譚亦晴)就話,DGS嘅女仔個個都好獨立同有修養,絕對唔係人哋講得咁差架!當我哋問佢有冇「公主病」,佢就話:「我Daddy Mummy真係當我公主咁鍚架!」

COVER

Kitty 係嚟自中產家庭,爸爸媽媽係做地產,哥哥就喺英國讀緊大學,而佢自己就讀直資學校,平時就打Golf同彈琴。不過佢唔係鍾意去草皮行吓,曬吓太陽嘅千金小姐,佢真係打得架! 淨係今年喺香港都贏咗幾場公開賽,之前仲代表香港去打青奧同亞運tim!

2014-11-22-22-55-47_deco

睇Kitty個facebook,佢平時都係好鍾意笑嘅,最鍾意就同啲同學一齊影selfie。喺拍攝當日,我哋要求Kitty攬住隻公仔影相,點知攬極都係好生硬,之後聽Kitty媽媽講先知,原來Kitty由細到大都唔玩毛公仔嘅!

_MG_1648

唔好誤會呀! 唔係因為Kitty話佢哋學校啲女仔好斯文,我哋先幫佢打造個斯文靚女look架!其實呢輯相所有衫,都係Kitty自己私伙架!

_MG_1683

淨係睇信唔過? 咁睇埋片啦! 你就知Kitty本人真係好斯文架喇!

冇話要讀名校至可以係「學界男女神」嘅!

只要你係中學生,你又認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋,就ok架喇!

「學界男女神」,等緊你嚟挑戰!

 

 

撰文: Joanne

攝影: Clay Lam

攝錄:Anthony

剪接: 豪

Hair:[email protected] Makeup

Makeup: King [email protected] Makeup

鳴謝:法國婚紗攝影(提供場地)

更多精選內容