WYHK電競手 –  祝鴻鋒

WYHK電競手 – 祝鴻鋒

以前話鍾意打機,就一定會有人係「沉迷」,而家打機就係國際性競賽,打得叻,分分鐘可以賺巨額獎金!唔係話賺到錢就大晒,只係一樣玩意,當你玩得夠叻夠專,就會變成專業!華仁仔Daniel( 祝鴻鋒 ),既係中六生,亦係一個職業電競手。

撰文: Joanne

0216

Daniel 又鍾意跳舞,又鍾意打機,如果喺啲好嚴嘅學校,都好大機會俾人當係不良份子架喇! 好在佢學校不嬲都俾好大自由度學生,又鼓勵學生作多方面發展,雖然Daniel唔係讀書最叻嗰啲,但係老師都好鼓勵佢,唔會因為我嘅興趣而針對佢!

0066

初初Daniel嘅屋企人都有反對佢參與電競架,始終電子競技都係新興行業,上一代當然冇咁容易接受啦,但由於佢嘅堅持,同埋不斷同佢哋解釋電子競技同打機嘅分別,所以慢慢都接受咗,明白佢係有目標向電競圈發展,唔係淨係打機咁簡單!

0190雖然Daniel讀書成績一向都一般,但係佢唔會因為打機而俾藉口自己唔讀書,平時會有時間表分配練習嘅時間,星期一至五都會做好學校嘅嘢先至開始練習,星期六日就會用嚟做自己鍾意嘅嘢,都平衡得唔錯嘅。

0107

嚟緊9月,Daniel就會算F.6,不過佢就打算考DSE喇,仲準備去加拿大升學,諗住讀econ同埋嘗試向當地嘅電競圈學習,因為當地嘅大學已經有同電子競技相關嘅奬學金,希望雙軌發展,第時可以代表香港去贏得一啲國際比賽!

0062

由中二開始Daniel就開始接觸Breakdance,初初係一個好朋友佢媽咪開咗間跳舞學校,然後佢就show左幾下俾我睇,覺得幾型,之後就跟咗佢去學,慢慢開發自己身體極限,再去試做一啲人哋做唔到嘅動作。佢最享受嘅,就係喺舞台上表演嘅時候,見到台下嘅人同佢一樣咁開心。(筆者親眼睇過,Daniel跳舞嗰陣,真係好投入,好enjoy,仲幾型架! 唔信你咪睇吓片囉! )

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

攝影:Alison Kwan
拍攝: Anthony Leong
剪接:Kee
美術:KS
Hair+Makeup: [email protected] EM Makeup
場地提供:Kidult’s Party(6344 8644)

 

 

更多精選內容