日本細路 打麻雀  成績仲好咗

日本細路 打麻雀 成績仲好咗

大人閒時打番兩圈,不過講到俾小朋友 打麻雀 ,唔少父母都say no!日本嘅父母似乎就好放心小朋友 打麻雀 ,甚至將佢哋送去上堂專門學,仲話小朋友自從 打麻雀 之後集中力同觀察力都提升咗,成績仲大有進步。

 

撰文:Irene
圖片:網上來源

日本東京電視台一個綜藝節目,其中有一部分專講「奇特育兒術」,最近講到有班小朋友放學後唔係去補習,亦唔係去上興趣班,而係去 打麻雀 。10歲嘅小雪係其中一個,佢由5歲開始 打麻雀 ,唔單止冇影響成績,仲愈打成績愈好,考試成日攞100分。佢媽媽本身喺日本著名大學慶應義塾大學(Keio University)畢業,好支持囡囡 打麻雀 ,咁佢先可以持續學咗5年。

b

c

小雪睇落同一般小學生無異,實則 打麻雀 年資已有5年。

d

呢個麻將教室由小學生至大學生都有,大家坐埋一齊「切磋」。

e

小雪媽媽話囡囡學咗 打麻雀 後,集中力同觀察力都好咗,考試仲攞滿分。

f

g

打麻雀 係小雪一家嘅親子活動。

h
麻將老師學歷都好高,包括日本第一學府東京大學嘅學生。

日本父母覺得俾小朋友 打麻雀 有唔少好處,除咗訓練集中力同觀察力,令佢哋上堂更專心,轉數亦更快。睇完之後,爸爸媽媽對小朋友 打麻雀 有冇改觀呢?

更多精選內容