SPSS校園偶像 – 葉萬儀

SPSS校園偶像 – 葉萬儀

今次嘅主角,係2015-16年度嘅香港傑出學生之一,佢叫做 葉萬儀 (Cherry),係聖保祿中學嘅中五學生。通常啲讀書叻嘅學生,理想都係做醫生或者律師,Cherry嘅夢想算係比較破格,因為佢係想做一個可以成為別人榜樣嘅偶像!

 

撰文:Joanne

值得學校推薦去參加傑生選舉,一定有啲過人之處,Cherry由中一至中四,喺學校都係全級第一,而且喺學校都好積極參與課外活動,同埋唔同嘅比賽,又係prefect,又係學會幹事。所以Cherry估計學校推薦佢嘅原因,就係因為佢唔係只係着重讀嘅學生,敢於接受唔同嘅挑戰!

1575

Cherry細細已經參加好多唔同嘅課外活動,學過好多嘢,好似係芭蕾舞、鋼琴、體操、國畫、跆拳道、網球、話劇、西方油畫、環保設計、爵士舞、中國舞、音樂劇、聲樂,仲有hip hop!學咁多嘢佢話唔覺得辛苦,因為我鍾意生活充實啲,如果冇嘢學,反而仲會覺得無聊tim!

2-1000000

Cherry一直都好鍾意日韓嘅女團,平時如果溫書壓力太大,佢都會跳吓舞分散一下注意力。中三嗰年咁嗰內地有選拔(SNH48/GNZ48),所以佢就想試吓自己有幾多實力,估唔到選拔會咁順利,最後Cherry喺超過十萬名參賽者當中,以第三名入咗決賽,不過考慮到現階段都係應該以學業為先,所以無奈決定退選。

1404

雖然SPSS係一間傳統女校,但係都會鼓勵學生發展多方面嘅才能,所以Cherry去參加選拔,老師都唔會戴有色眼鏡睇佢。不過都有啲同學會對佢嘅喜好有反感嘅,但係Cherry自己都幾堅定,佢明白始終選拔唔係一個平常學生會參與嘅活動,有人非議都係難免,佢亦都唔會太介意,反而會聽取有理嘅負評嚟改善自己。

1283

Cherry覺得自己唔係典型靚女,有啲baby fat,唔太符合香港審美觀。但係我好鍾意自己對眼,因為好傳神,喺演講同朗誦嗰陣可以用eye contact 嚟秒殺對手!喺外表嚟講,Cherry自覺唔太合成年人嘅口味,但係好多小朋友都覺得佢好親切,好鍾意同佢玩架!

1000000

而家Cherry仲未夠16歲,媽咪梗係想佢以學業為重先,所以佢會先考好DSE,希望可以考入HKU嘅Global Business。不過佢都唔會放棄自己嘅偶像之路,中學畢業之後,佢會再去參加選拔,入番SNH48/GNZ48當然就係佢嘅目標啦!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

攝影:Clay Lam
拍攝: Anthony Leong
剪接:Linda
美術:C.Ming
Hair+Makeup: [email protected] EM Makeup

 

 

更多精選內容