升小一

升小一

專欄

廣告

又到一年一度幼稚園開學週,雖然今年升小一會9月1號先返學,但係行經商場見到其他幼稚園,爸爸媽媽拖着小手上學去,幼小的幼稚園學生哭鬧不要上課,令我回想起囡囡Jasmine幼兒班第一天上課時,也是由媽媽爸爸拖着小手行返學的,經過首兩天爸爸媽媽陪伴參觀學校和結識新朋友新老師後,第3天Jasmine已經可以獨自走進學校門口,媽媽沒有徘徊門外,就讓囡囡學習自立。

到接放學的時候,問問班老師小朋友返學狀況,也如我所料沒有什麼哭鬧,因為Jasmine嘅性格係好主動識朋友,完全唔怕陌生環境,就算係外國,佢都會主動上前結識新朋友。

 

時光飛逝,轉眼間就已經四年啦!本來係幼稚園嘅大姐姐,霎時間變返做小學嘅小妹妹。
八月頭返左新嘅小學買書同埋校服,Jasmine一如以往不停撩人傾計,又主動問老師問題,仲大膽到去同校長傾計添啊! 媽媽我記得我細個嘅時候,見到校長會掉頭走架,其實Jasmine係勇敢,定係未識驚呢?

近日網上流傳有一間學校,要升小一嘅小朋友做幾十本小一程度嘅練習,又要家長協助小朋友教導小一全個上學期嘅英文科課文,原因係要開學時候可以開始下學期的進度。
好多家長議論紛紛,最後連教育局都提醒該校檢點。好幸運Jasmine可以升讀一間有愛嘅小學,學校重視閱讀,鼓勵小朋友係暑期間閱讀中英文課外書,培養小朋友閱讀興趣。

 

七八十年代嘅家長們,大多接受過填鴨式教育,現今社會流行活動教學,閱讀課外書,既能培養性情,又能吸收不同的知識,百利而無一害。總好過未上小學,就已經驚咗返學。
仲有兩個星期左右就到Jasmine返小一啦,佢好興奮咁期待着識好多新嘅朋友,爸爸媽媽又驚又喜,眼看著女兒長大了,步入另一個里程碑。

 

希望佢小一生活順順利利,結交多啲良師益友!

 

https://www.facebook.com/BonnieWongJasmineRawlinson/

關鍵詞
升小一