林曉峰

林曉峰 康子妮 有仔趁嫩生

熱話

廣告

一向以恩愛夫妻見稱的 林曉峰 康子妮夫婦已經結婚13年,兩個仔林寶和林熙分別12歲和11歲,兩夫婦一向熱愛家庭生活,一家四口非常幸福。

 

撰文:Fiona Fong、Ling Lam
相片:新傳媒資料室、 林曉峰 、康子妮微博
(部分內容節錄自976期東方新地)

想當年,康子妮(Lily)原來是被 林曉峰 (阿Lo)的歌聲吸引的!Lily說:「我同佢熟,係一齊做華姐司儀,當時我聽到佢唱歌,已經覺得好好聽,到結婚,佢間中都有唱,我問佢點解唔試唱歌,但佢話:『我又唔靚仔。』直至依家做演唱會(歲月有情2016),佢至認自己係歌手。」

而阿Lo原來也是被Lily的音樂細胞所吸引!「 Lily都係,彈琴或者音樂方面勁,我鼓勵佢做,佢成日話唔係,到後尾有機會做琴譜、幫人編曲,根本佢依家仲忙過 我,所以當我屋企人以為佢好得閒,叫佢搵嘢做,我就要即刻話最忙係Lily,佢又要睇住屋企,又要做嘢。我覺得我同Lily依家工作比較開始順利的原因係,真係大家互相鼓勵。」

家庭方面,阿Lo同Lily婚後一年,大仔林寶就出世啦!一向家庭至上的林氏夫婦,又有什麼育兒心得呢?

林寶和林熙已經大個仔,讀書叻打羽毛球更叻,受父母及星級朋友薰陶下,愈打愈出色,更打入體育學院精英培訓計劃。連放假的親子活動也是打羽毛球!

兒子慢慢長大,但在阿Lo眼中他們永遠是小孩,「佢哋幾大我都覺得係細,只係覺得阿仔喺唔同階段,會有嘢唔同咗,我覺得佢哋每年都有改善。」

雖然生大仔時,Lily已經27歲,不算特別早,但老友錢嘉樂和陳小春的孩子2歲幾,謝天華個B才1歲多,從前他們笑阿Lo早生,現在紛紛改口,「最醒係你!」。

廿多歲就結婚生仔,回想起來,子妮覺得有仔趁嫩生的決定非常正確,「咁早就要投放所有時間俾個仔,自己要擱置,係咪啱呢?初初都有疑惑過,當時身邊好多人話我唔 做嘢,成日要解釋,但依家望番轉頭,好彩我係咁做,如果唔係我同小朋友.關係,唔會好似依家咁friend,我仲後生可以陪打波,亦儲夠人生經驗,可以開 始事業新一頁。」

兒子開始踏入青春期,阿Lo 不擔心兒子會反叛,凡事更應站在兒子角度思考,「原來長大喺好多人眼中係負面嘢,佢反叛只係唔熟識嗰樣嘢,好似身體變化,所以要企番喺小朋 友角度諗,佢有爭拗唔係反叛,掉番轉可能係家長唔去進修呢?」