拔萃男書院,陳俊軒,好聲音,學界男女神,拔萃,超級巨聲,胡鴻鈞,DBS,高山低谷,合唱團,手球,

拔萃好聲音-陳俊軒

article

廣告

聽過唔少女學生都讚DB仔好charm!講嘅唔一定係佢哋讀書有幾叻,運動有幾勁,藝術成就有幾高,事實上10個DB仔有9個都自信爆棚!好似今次嘅主角陳俊軒(阿Chris),講靚仔佢唔係絕頂靚仔,問佢覺得自己有咩不足,佢仲直指自己要害—唔夠高!但係佢行到出嚟就係信心十足,影相擺pose仲chok過「chok神」謝霆鋒!

阿Chris同好多DB仔一樣,都係能文能武,本身玩開合唱團,亦都有打手球校隊,所以佢身型都幾大隻架!

Tag阿Chris嚟挑戰嘅Kitty Tam,就話阿Chris有啲似台灣型男彭于晏,所以影相嗰陣,攝影師都試咗好多唔同角度,希望影到最似彭于晏嘅效果,至於似唔似,就由你哋判斷喇!

DBS嘅合唱團唔止喺香港學界出名,仲要勁到有全球排名,而家除咗係全球最佳男聲合唱團,同DGS組成嘅混聲合唱團都排全球第6。雖然阿Chris都好鍾意玩合唱團,但係就話自己最鍾意唱嘅,始終都係流行曲。

參加「超級巨聲2」入行嘅胡鴻鈞,其實係阿Chris嘅師兄嚟架,佢話自己未喺學校見過師兄,不過就聽啲老師講過,原來呢個巨聲師兄讀書嗰陣都好曳架!至於阿Chris嘅歌喉同佢師兄又有冇得比呢?一齊睇吓片啦!

冇話要讀名校至可以係「學界男女神」嘅!

只要你係中學生,你又認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋,就ok架喇!

「學界男女神」,等緊你嚟挑戰!

 

 

撰文: Joanne

攝影: Clay Lam

攝錄:Anthony

剪接: 豪

Hair:Wilson@KINGS Makeup

Makeup: King Yip@KINGS Makeup

鳴謝:法國婚紗攝影(提供場地)