我唔要做黃面婆

我唔要做黃面婆

專欄

廣告

小公主Jasmine暑假參加左SDM芭蕾舞學校舉辦嘅小主角周年匯演,因為有舞蹈同對白成份,所以有一連串嘅排練,媽媽愛女心切,當然管接送,但是四個鐘頭去邊好呢?今日就係深水埗發現到好優質既一間開咗9個月,2000幾呎裝修豪華,環境舒服的美容店Emma Angel Beauty Concept 。心想:呢度真係一個好好打發時間嘅地方,做媽媽經常為兒女頻撲,都沒有時間真正護理自己,今次真係一個好好嘅機會可以休息一下,扮吓靚,同消磨下時間!

入到鋪裏面,歐陸式裝修好靚好特別,2000幾呎環境非常寬敞,簡直係鬧市中嘅綠洲。

原來Emma Angel Beauty Concept 有埋男賓服務,又有美容院好少有嘅曬燈房,實在太好啦,老公成日都話要做body同修甲 , 下次可以帶埋佢一齊嚟啦。

講起曬燈,雖然香港夏天好曬好熱,但香港人咁忙,工時又長,真係未必可以花得起時間曬太陽,但曬太陽燈只須要7分鐘,就可以keep住型英帥靚正,做2 part 都係14分鐘,啱曬繁忙嘅香港人。我身邊好多女仔朋友都會曬燈keep住健康膚色㗎!曬前全身塗上底油,仲可以令皮膚好有光澤添。曬完又有獨立房沖乾淨涼,乾乾淨淨咁走。

呢度夜晚最夜booking 仲要係8:30,真係好啱D收夜咗嘅人嚟义义電。

講返今日做咩啦,由於我係比門口poster吸引,就入去做依家最潮興嘅新科技HIFU 啦!

西班牙原廠設計嘅HIFU只可做身,不可做面,要做面有另外一部HIFU機,美容師好nice好專業咁講解同分析面型,皮膚結構等資訊,等我呢個咁怕痛嘅美魔媽媽有心理準備,之後響面上塗上冰涼嘅gel cool down ,全個過程好relax ,美容師好好手勢(隻手仲好鬼滑),用提升嘅手法向上向外推壓,過咗一陣我已經覺得有「猛猛地」嘅感覺,好緊緻,做完一邊面望下塊鏡,我嘩咗一聲,鴛鴦面呀!由於做treatment前影咗before 相,之後同after相比,真係後生咗幾年呀!

到body啦,度完身之後,用個大沖壓式治療頭,直達底層8mm同13mm,13mm直接落到目標脂肪層,每格聚焦576個點,加上溫度調節,好似我呢D生完小孩又冇時間護理自己又怕痛嘅媽媽不用麻醉,又厚又實嘅肚腩脂肪,可以接受到70度高溫。過程完全唔會傷害表皮,又唔會有傷口,冇修復期,非入侵性,而且即時達到修身塑形效果,短短45分療程,完全冇感覺,仲舒服到瞓著咗添呀!

瞓醒再度身,嘩!肚腩即時瘦咗1.5吋!真係好神奇好見效!美容師話皮膚底層仍然work緊,所以呢2星期會繼續瘦,為咗証實,我每兩日就度一次記錄低,真係逐日瘦喎,冇花冇假!

見呢度咁舒服,美容師又唔hard sell ,所以我就約咗下星期做其他facial啦。

呢間美容院主打Decleor 香薰護理
主要效果可以保濕,抗敏,美白,減紋,提升等等
A 膠原精華導入。效果:增加彈性
B 美白濃縮精華。效果:抑制色素
C 眼部重整護理。效果:緊緻提升
D 暗瘡特效護理。效果:消炎鎮靜
E 胎盤注氧護理。效果:提升光澤
F 電動微針。 效果:修復暇疵
咁多選擇,揀咩好呢?
等我下星期再報告下facial 體驗同埋update下一星期瘦咗幾多先!