英華甜絲打-吳嘉嘉

英華甜絲打-吳嘉嘉

中西區名校多,一廂情願以為係人傑地靈啲,點知喺班名校生度八到,原來英皇書院出咗名係「薯仔書院」;半山兩間旗袍女校,就俾人叫做「半山扒房」,嘩!係咪真係咁worse先?至少今個星期嘅主角吳嘉嘉一定唔係啦!嘉嘉嚟自半山其中一間旗袍女校-英華女學校,樣子甜美,仲幾有氣質,佢個instagram仲有成2,400人follow架!絕對係高質又有人緣嘅學界女神啦!

2014-12-08-16-57-14_deco

咪睇嘉嘉外表斯斯文文,原來佢都好活潑同好動架!平時除咗鍾意彈琴,仲係學校泳隊嘅成員,雖然佢猛話自己游得好慢,不過今年英華可以喺學界D1護級成功,嘉嘉都有份出力架!

Ying Wa

其實半山有兩間女校夏天都係着旗袍嘅,除咗英華,仲有聖士提反,嘉嘉話,因為聖士提反冇規定學生返學要紮辮,所以睇落英華女生可能會”輸蝕少少”!佢覺得英華嘅女仔有外在美,又有內在美,絕對唔係「扒房」啦!(嗯?咁究竟「半山扒房」呢個名係點嚟嘅呢?)

IMG_9954

呢輯相啲衫都係嘉嘉私伙架!最估唔到原來佢平時係鍾意着褲多過着裙啦!好多條裙都係我哋迫佢着架!

IMG_0203

睇嘉嘉個facebook同instagram,就知佢平時都好like自拍啦,所以港女絕技「自拍10式」佢都好熟手架!不過唔係好夠位,將就啲,睇住4式先啦!

2014-12-08-16-46-22_deco

想睇多啲?睇埋片啦!

冇話要讀名校至可以係「學界男女神」嘅!

只要你係中學生,你又認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋,就ok架喇!

「學界男女神」,等緊你嚟挑戰!

 

撰文: Joanne

攝影: Paul Choi

攝錄及剪接: 豪

Hair:[email protected] Makeup

Makeup: King [email protected] Makeup

鳴謝: HOWE Cafe 提供場地

更多精選內容