4大 開學 傳統 你哋有無做呢?

撰文：Jacqueline
編輯：Fiona Fong

有位網民仲好搞笑咁貼咗隻火蔥鴨出嚟。不過開學就唔好掛住玩Pokémon GO啦！

一齊嚟睇下網民的小分享啦！

1．「早餐系列」

有網民就話早餐食多啲葱、蒜、雞蛋同香腸，對分數有幫助。咁豐富嘅早餐，小朋友一定好開心！

2．「打孖上系列」

有網民就話只放葱係唔夠㗎，仲要加埋芹菜，勤勤力力咁話。

有幼稚園老師就話，見過有家長除了放葱，仲會放封利是落小朋友書包。

3．「打破傳統系列」

依位網民就話有同學書包入面放咗舊薑，唔通依位媽媽想小朋友大膽啲？「夠薑」！

仲有網民話少咗條豬脷，哇，帶豬脷返學會唔會嚇親其他同學仔咖！

有兩位網民就不約而同咁話放聰明豆。依個提議唔錯，衛生之外，仲唔會有異味，最緊要係小朋友肚餓可以食啊！

4．「行動最實際系列」

有網民就唔選擇放物件入小朋友書包，就話拜深水埗文昌。

咁究竟深水埗文昌係咩嚟嘅呢？咁就話說舊時嘅學生，開學前就會到文具店買孔子像同毛筆，找老師或法師辦開筆禮。那些才幾歲的學生叫蒙生，老師會用毛筆沾上朱砂，在他的額上一點，開啟天眼，在萱紙上寫個「人」字，示意開始學做人的道理，是為「破蒙」啟智禮，跟成人禮、婚禮跟葬禮，被稱為人生四大禮，這個就是做人的道理。

所以，華人宇委員會都按照依個傳統習俗，喺2011年都在深水埗的三太子廟為學生辦文昌開筆禮，上年仲有超過一千人參加。大、中、小學生，甚至連幼稚園同商人都去「潮拜」。

排住隊摸摸神枱上代表聰明勤力的青蔥及芹菜，拜拜文昌帝君與魁星，排隊給高功法師行灑淨禮，再領一份開過光的文具套裝連朱砂筆，據知仲可以帶埋自己啲「私伙」文具手冊嚟開光添。返學返工拎住神器，真係特別威水啊！

打鐵趁熱，今個星期六就有得去拜拜文昌帝，襯住啱啱開學，不妨去趁趁熱鬧，感受一下依啲買少見少的傳統禮節。無論係3個月嘅BB到80歲都可以摸摸巨筆，沾沾學習運，為自己打打氣。