趙海珠囝囝 食物敏感大作戰

趙海珠囝囝 食物敏感大作戰

上一次訪問新聞之花趙海珠(Alison), 剛剛產後半年,兒子陳彥熹(Hayden)開始識坐,試食固體食物,珠珠亦準備產後復工,不做主播、不做輪后,轉行做恒地營業部高層幫手賣樓。相隔年半,珠珠與Hayden有重大轉變,她已辭工轉做全職媽咪,期間兒子亦發現有嚴重食物及皮膚敏感,尤其對豬肉敏感,好多食物都要戎掉,令她大感頭痛,不斷求醫。但一支四痘針,竟令敏感情況逆轉,Hayden一次過敏感大爆發,全身紅腫, 康復後竟不再對豬肉敏感, 將近兩歲的他,可再次品嘗豬肉鮮味!

珠珠覺得嫁到老公Vincent非常幸運,自己 較低易發脾氣,Vincent卻對她處處忍讓。
珠珠覺得嫁到老公Vincent非常幸運,自己 較低易發脾氣,Vincent卻對她處處忍讓。

為湊仔離任恒地厚職

「阿珠媽」產後放假大半年,去年復出加入四叔大家庭,四叔多新樓賣,恒地營業部除了由鄺美雲男友林達民揸fit外,更新增第二隊,珠珠就是出任恒地營業(二)部高級經理,揸fit人是韓家輝。「恒地要建立一條新
sales team,想我幫手應對傳媒,做marketing嘅嘢。」不過,她做半年便離職,曾惹來不少揣測,皆因上一份工做法巴輪后,一做六年幾,之前在TVB報新聞都有兩年幾,雖然她曾說沒打算做全職媽媽,但隨着囝囝開始識行識走,改變了她的想法。「見到小朋友慢慢大,我quit恒地前佢過咗一歲,見到佢愈來愈識嘢,開始講嘢,識得行路,唔同之前可以擺佢喺屋企,工人姐姐亦都好辛苦,一個人要打理家務,又要湊佢,好難成日叫媽咪同奶奶嚟幫手,有時我都想陪佢睇書、教佢知識,如果我放多啲時間看住佢,姐姐就可以專心做家務,對佢成長都好啲。」

辭去恒地後,珠珠轉做全職媽媽,獲多個品牌活動邀請擔任司儀或嘉賓,試過一星期做足六場。
辭去恒地後,珠珠轉做全職媽媽,獲多個品牌活動邀請擔任司儀或嘉賓,試過一星期做足六場。

幸運港女需後天努力

珠珠並非想專心做少奶奶,完全放棄工作,仍然希望兩者取得平衡,此時她獲多個品牌活動邀請,間中復出幕前大談湊仔經、做MC,覺得這種生活模式正合心意。「同先生傾過,呢種freelance模式比較彈性,湊到仔之餘,又唔會無嘢做,所以決定暫時唔做長工,但唔排除有適合嘅工會出番來做。」
由04年加入TVB,10年內她做過三份毫不相關的工作,但愈做愈有前途,30歲出頭已高薪厚職,靚女嫁個好老公,生個乖仔,難怪有人話「生女要似趙海珠」。她承認自己比較幸運,但背後必須付出,才有今日成就,「我讀書唔係好叻,但都順利升讀大學,之後好幸運入到TVB報新聞,令大家所認識,望落去好平坦嘅一條路,但當中我都有壓力,做主播報新聞時候,都要花時間練讀音同抑揚頓挫,後來去銀行都掙扎咗好耐,始終窩輪自己唔識, 中間我下咗很多苦功,考咗好多專業試,我背後付出好大努力,我覺得呢啲大家都可以做到,唔一定係條命生成,有啲嘢係可以靠自己去改變。」

珠珠與Vincent亦師亦友,無論大小事項都會與他商討,辭去恒地工作亦得到他的支持。
珠珠與Vincent亦師亦友,無論大小事項都會與他商討,辭去恒地工作亦得到他的支持。

豬肉敏感每晚病發

成長點滴轉眼就過,Hayden第一次轉身、第一次行路、第一次叫媽媽等片段,珠珠也沒錯過,一切順順利利,但半歲至歲半期間,棘手問題出現了。七個月大時,Hayden開始手腳出現一撻撻紅腫,像被蚊咬,珠珠立即為家居大掃除,睇醫生就話可能是熱痱,「因為佢出汗好勁,嗰排又係暑假。」但珠珠發覺不對勁,沒理由日日被蚊咬,「仲要日日都係黃昏五、六點嚟料,夜晚沖完涼成身都係,朝早就
冇事喎。」
珠珠打算為囝囝抽血化驗,但繁複的過程嚇怕了她,「原來BB抽血要抽好多次,唔可以一次過抽,姑娘話要搽啲止痛嘢先,出去行半個鐘先再番嚟抽,抽完一支要等吓,再番去抽,嘩!要個半歲大仔受咁多次都幾慘。」

後來朋友介紹她去見著名兒科醫生,但醫生也找不出病因,轉介她到皮膚科醫生做食物測試,終於找出元兇!「測試後發現我個仔對豬肉敏感,好搞笑!」回想囝囝當初試食固體,最普遍以瘦肉煲粥開始,吃完午飯後,黃昏開始發作,晚飯後沖涼,自然發作得更厲害了!

四痘針徹底醫好

謎底終於解開,醫生建議一年內要戒豬肉,珠珠說:「惟有俾魚同雞佢食多啲,牛就較後期先食,中間有俾佢試飲用豬肉豬骨煲嘅湯,但都唔得,好快又起紅點,唔通真係成世唔食得豬肉?」最近一支四痘針,徹底改變敏感情況,但過程令珠珠嚇餐飽:「佢打完之後成身出晒敏感症狀, 發到癲咗成身紅晒,好擔心係咁睇醫生,但醫生話唔係打針後遺症,醫生開咗啲敏感藥佢食,大約兩星期後,突然一下子冇晒事,個身清晒!」有見Hayden快將兩歲,距離上次敏感測試亦將近一年,珠珠決定放膽再給他試食豬肉,「我由青紅蘿蔔豬骨湯開始先,咦!竟然冇事喎!再俾瘦肉佢試,又OK喎!後來同朋友分享番,佢聽過敏感要一次過谷晒出嚟先會好番,可能我個仔就係咁。」

為人母親後,珠珠俏臉上 添加了幾分母愛。
為人母親後,珠珠俏臉上添加了幾分母愛。

食物測試快靚正

食物測試快捷簡單,毋須驗血,在皮膚科醫生診所進行, 珠珠為囝囝做了30多項測試, 約80至90元一個
sample,「醫生將你揀選咗嘅sample喺你背部做測試,唔同sample點喺唔同位置,15分鐘後,如果個sample位置出現紅點,就證明你對嗰種食物有敏感喇。」
Hayden對豬肉敏感,可能因為媽媽不好豬肉,「我係好唔鍾意食豬扒、瘦肉, 連小籠包、生煎包、鍋貼呢
啲, 我都唔食入面豬肉,淨係食皮;湯又唔食渣,丸淨係食魚蛋、墨魚丸, 總之我唔鍾意成肉。唔知係咪我太少食豬肉,太少吸收呢種物質呢?我都係估吓。」

除豬肉外,Hayden對Gluten Gliadin這種麥麩及麥殼蛋白,都有輕級程度敏感,要少吃麵包和麵,改吃米粉和飯,但經過那次敏感大爆發,麵包不再遠離他了。

為食仔有食物敏感,珠珠要嚴控他的飲食,購買食品必須睇清 成份。
為食仔有食物敏感,珠珠要嚴控他的飲食,購買食品必須睇清成份。

被蚊咬腫如豬耳

不過Hayden是敏感底,剛解決食物敏感,又輪到皮膚敏感,必須長期對抗蚊咬,珠珠無奈道:「佢一俾蚊咬就成塊肌肉又硬又腫,兩個月前一晚,佢被蚊咬耳仔,即刻變咗豬耳,第二日仲流膿起水泡,醫生話佢敏感底,耳仔熱力散唔到,所以太熱扯開肌肉,所以好麻煩。」醫生教路可在被咬部位用冰敷降溫,再塗藥膏就好多了,但少不免會留印。

Hayden的敏感皮膚遺傳自爸爸Vincent,但比爸爸嚴重, 一般人塗藥膏後即晚康復,Vincent要幾日,Hayden起碼一星期,他現時所塗的藥膏,要醫生處方到藥房購買,暫時都幾work!一路說起經歷,珠珠愈想愈多,「佢試過喺會所池游完水發到成身都係,之後問番泳池同醫生,證實氯氣濃度高都會引發敏感底皮膚出疹。」游水親子樂都發現新大陸,看來Hayden或有其他潛在敏感,珠珠需長期與敏感搏鬥了。

珠珠現在時間彈性 得多,正考慮添多 個小孩陪伴Hayden 成長。
珠珠現在時間彈性得多,正考慮添多個小孩陪伴Hayden 成長。

 

 

●撰文:Ling ●攝影:Clay Lam( 部分相片由受訪者提供)

●化妝及髮型:Bonnie Yeung
●場地:SPRING (tel: 3465 5000)

更多精選內容