懷孕 太多嘢要擔心啦!

懷孕 太多嘢要擔心啦!

當媽媽 懷孕 了,就會發現原來 懷孕 之後要擔心的事還真不少。星媽們在接受我們訪問時都有透露過自己的 懷孕 經歷,究竟佢哋又有咩擔心呢?

 

撰文:Jacqueline
編輯:Fiona Fong

1 陳敏之 -怕生嗰陣BB臍帶纏頸

敏之懷孕六個月,預產期在12月。早前接受我們訪問表示猶疑了好久究竟選擇開刀還是順產。最後決定開刀,她並非怕痛。她說:「以前拍戲試過斷骨又整親頸,我本身不太怕痛,我最擔心反而是順產的過程,有人試過陣痛十幾個鐘都未生得,結果發現BB臍帶纏頸要立即開刀,還有很多難以估計的情況,所以為BB安全著想,我會選擇開刀,有計劃地生出來,可以避免危險。」

13508939_1160755060653556_8156687367023441493_n 14202703_1211284565600605_743565821769066496_n

此外,敏之亦非常關心懷孕時的飲食忌宜。皆因有人叫她多吃芝麻糊,說會令BB頭髮、眼睫毛濃密一點,但又有人說太早食會滑胎……最後敏之決定計劃到第8、9個月才食芝麻糊。現在一星期會吃一兩次桑寄生蛋茶、紅棗蓮子茶。但亦表示會小心注意糖分,否則易有妊娠糖尿病。看來敏之為了BB的健康,真係對自己的飲食相當小心。

TUNGSTAR5799938拷貝

2 朱薰 -照顧個胎又要照顧個大

朱薰懷有第二胎接受訪問時就話覺得「兩個夠晒數」,覺得湊一個已經好累。所以去照超聲波check心跳好緊張,好驚今次生孖胎,好彩最後係一個!朱薰又謂第二胎是B女,覺得比第一次辛苦得多:「我覺得好唔舒服,又無胃口,好擔心個肚唔夠食。我仲要花時間同阿仔相處、講故事,真係相當之攰。」

13_248K_family

朱薰同唔少媽媽一樣懷孕期間都係無乜胃口,又怕胎兒吸收不夠營養。

螢幕快照 2016-09-09 下午5.35.23拷貝

不過見到囡囡依家肥肥白白,眼仔碌碌咁可愛就唔使擔心啦!

螢幕快照 2016-09-09 下午5.36.17拷貝螢幕快照 2016-09-09 下午5.42.04拷貝

3 梁政珏 -懷孕忽然見紅

Jeanette陀B過程非常艱鉅。在懷孕初期,孕吐情況嚴重,試過嘔足一整日,吃不下東西。頭四個半月最少要睡13小時,晚飯前已經撐不住入睡。原本打算到英國產子的她,在懷孕第27周,下體忽然見紅急送醫院。其後發現自己有胎盤前置第四期問題。

11_229K_family

她接受訪問時表示:「27周喺屋企見紅嗰日,當時唔係緊張、唔係驚,但嗰個星期瞓得唔好。懷孕初期我嘔得好犀利,頭五個月冇乜出街,成日暈暈吓食唔到好多嘢,到六個月就擔心,我冇準備過買BB衫同用品,所以嗰個星期突然間freak out(驚慌)!如果我準備唔切點算呀?日日喺屋企諗呢啲嘢。」

6_229K_family

第四期屬於整個胎盤蓋住子宮頸,子宮頸在胎盤的中間,在生產時有大機會出血,亦難以順產。最壞情況是會出現血崩、胎盤撕裂,危害母子生命。故她一直留院待產,接受觀察。樂觀的她覺得這是BB給予的考驗,相信母子一定會平安,一直安心休養,最後順利剖腹誕下4.2磅得意B仔Johnson。

螢幕快照 2016-09-09 下午6.52.29拷貝

螢幕快照 2016-09-09 下午6.52.07拷貝

4 陳琪 -疑心重重,BB有無心跳?

曾懷有第三胎,但陀至七周大時,胎兒突然停止心跳,需立即進行人工流產的陳琪,本已就此打消再生育念頭。她坦言因為兩人不易有BB,頭兩胎也刻意計算11個月才成功,加上醫生指再懷孕機會極微。自此兩人無意再生育。可是,沒計劃反而有奇蹟,今年竟發現再度懷孕,更一索得男!

wu04

大肚婆疑心重重,加上曾經歷過流產的June,非常擔心胎兒又會失去心跳,缺乏安全感。因此June經常上網搜尋資訊,甚至想買胎兒心跳機。她接受訪問時指:「成日都好緊張,驚個胎無心跳,我又feel唔到……醫生就安慰我話,佢部儀器咁多錢先check到,你哋喺街買幾百蚊部就想聽心跳?嘥鬼氣!」醫生指懷孕十幾周開始會聽到心跳,「但十幾星期都好穩陣,你都唔使買啦!你享受吓嘔啦,嘔即係BB喺度!」才令June放心下來。

放鬆啲啦June,一家人齊齊迎接B仔的來臨!

wu03

 

 

更多精選內容