關詠荷:我不是虎媽

關詠荷:我不是虎媽

數到圈中 虎媽 ,好多人即答吳君如關詠荷(Esther)!兩人出名教女嚴厲,前者年花過百萬學費栽培囡囡,包括大量琴棋書畫興趣班;後者除了報讀大量興趣班外,更聘請七個碩士生補習,個個海外名牌大學畢業,為了入讀名校更多次搬屋!

撰文:Ling |攝影:Mano Wong(部分相片由受訪者提供)|場地:奧比斯

關詠荷為家庭放棄事業

難得關詠荷與本刊做親子專訪,當然把握機會查詢一下,她聞言被指「 虎媽 」即大笑:「成日話我呀?我好苦呀真係,哈哈!梗係冇七個碩士啦,學校唔只七個呀!搬屋都係咁啱啫。」關詠荷曾揚言:「老公是我的驕傲!」關詠荷與張家輝於90年代初在亞視拍劇擦出愛火,2003年拉埋天窗,3年後誕下女兒張童(Brittaney)後淡出幕前,為家庭放棄事業,專心做家輝背後的女人,亦令家輝的演藝事業登上高峰,兩度奪得金像影帝,但對家輝來說,太太和女兒才是他的驕傲。

由亞視到無綫時期,雖然關詠荷與張家輝的事業上有距離,但關詠荷一直支持對方,從不計較邊個紅,大家目標一致。
由亞視到無綫時期,雖然關詠荷與張家輝的事業上有距離,但關詠荷一直支持對方,從不計較邊個紅,大家目標一致。

只會做好自己工作

家輝奪得影帝時揚言:「太太是一生中最大收穫!」90年代兩人在亞視結識,關詠荷過檔無綫後憑劇集《苗翠花》和《陀槍師姐》爆紅,更奪得首屆視后,奠定一線花旦地位,與家輝的事業有一段距離,關詠荷指兩人從不比較邊個紅,只會做好自己工作。

2003 年兩人結束愛情長跑,於澳洲註冊結婚,婚後Esther淡出幕前,做家輝背後的女人。
2003 年兩人結束愛情長跑,於澳洲註冊結婚,婚後Esther淡出幕前,做家輝背後的女人。

關詠荷和囡囡無視爸爸「六肌」

事業的高峰只是時間問題,家輝轉戰影圈後如日方中,2006年囡囡出世後更旺其事業,兩年後憑電影《証人》榮膺七料影帝,2013年再憑「筋肉人」造型演電影《激戰》,再下一城奪金像影帝。Esther讚老公工作認真,亦可能因當上爸爸及戲路所影響,性格變得成熟,不像以前般大男孩,不過Esther對家輝的肌肉毫不留戀:「呢六舊從來都唔屬於佢架啦。」不單止老婆無興趣,連囡囡也無視「六」,Esther笑說:「佢冇留意呢,佢兩個連一齊做運動都少,我同阿女做多啲,好似打波、空中瑜伽,佢都鍾意玩空中瑜伽,小朋友揸住條繩就好開心,可以做好多動作扭吓、郁吓幾好玩。」

爸爸較惡媽媽好easy

Esther與家輝的相處之道是互相尊重、互相關心、互相有空間,對現年10歲囡囡的教育亦有共識,重點要培育其創作力、禮貌和道德。表面上媽媽較嚴厲,但在囡囡心目中,媽媽是easy一點,「easy啲即係覺得我冇咁惡,其實我係惡啲,會罰佢,但唔知點解佢覺得爸爸惡啲,係佢comment㗎。」

estherkwan05

家輝雖是慈父一名,從沒有鬧女,但也有嚴肅的時候;相反Esther與囡囡見面時間較多,囡囡知道怎樣應付媽媽。「可能佢覺得我成日重複問題,成日講某幾樣嘢,佢聽慣咗就覺得我好easy;但爸爸會突然抽一樣嘢督住佢,佢就覺得好緊張,可能咁就覺得爸爸惡啲。」

Esther覺得囡囡一半似爸爸,一半似媽媽,「佢同爸爸一齊就 話阿女似我,佢同我一齊又話似爸爸,所以兩個都似。」
Esther覺得囡囡一半似爸爸,一半似媽媽,「佢同爸爸一齊就話阿女似我,佢同我一齊又話似爸爸,所以兩個都似。」

最難坐定做功課

家輝忙於拍戲,返到屋企亦盡量抽時間陪囡囡傾偈、陪玩、shopping,但他並非玩樂大隊長,Esther笑說:「我個女自己先係玩樂大隊長!佢自己會搵嘢玩,我哋就陪佢玩,好似佢想畫公仔,我哋咪陪佢畫;或者佢想打波,就同佢一齊玩吓遊戲。」Esther形容囡囡的性格喜好與其他小朋友無異,一樣不喜歡做功課,坐不定,最喜歡玩。「佢冇特別標青嘅talent,但佢性格活潑,佢知道自己依家做到嘅嘢多咗、能力高咗,敢於嘗試更多嘢。細個佢唔夠力,好多嘢都唔敢試,睇到佢一路長大,佢勇敢咗。」

囡囡現在很喜歡音樂、唱歌,或許與Esther懷孕時有 播莫扎特有關。
囡囡現在很喜歡音樂、唱歌,或許與Esther懷孕時有播莫扎特有關。

囡囡棄溜冰轉打羽毛球

Esther確實有安排很多興趣班讓囡囡嘗試,唱歌、跳舞、閱讀、溜冰、打波樣樣皆有,經常有報刊影到她帶囡囡上興趣班,就指她 虎媽 把囡囡的時間表排到密麻麻,她對此反駁道:「湊小朋友梗係要提供活動俾佢,唔通日日坐喺屋企對住四幅牆、對住電視機咩?」

不過在科技發達下,禁到睇電視亦不能禁電腦和手機,根本阻止不了小朋友接觸電子世界,「所以就要安排多啲活動俾佢郁動、思考,但最緊要睇佢有冇興趣,同點樣激發興趣。佢細個我俾好多機會佢嘗試,唔參與過就唔知自己有冇興趣,參與過先會慢慢發掘到。」 Brittaney一度愛上溜冰,但熱戀過後放棄了。「佢開頭覺得啲衫好靚,喺冰上好似飛翔咁,但之後佢話如果要做得好,係好辛苦,因為高班要喺冰上飛,又要拉筋跳舞,佢覺得好唔想做。」今年暑假她主動參加羽毛球班,兩年前試打過,兜兜轉轉還是覺得羽毛球最好玩。

好多父母生小朋友時充滿計算, 想望子成 龍,Esther認為孩子有思想,應按孩子的性格作出轉變。「小朋友係 活., 仲有其他外來因素會影響佢,所以個變數.小朋友度,有人可以 子承父業,有人係唔得。父母有呢個諗 法無問題,正如你播種,但塊田根本 耕唔到你想要.農作物,好多人.父母壓力下讀.某個學位,最後發覺鍾意唱歌跳舞,都會轉去做。」
好多父母生小朋友時充滿計算, 想望子成龍,Esther認為孩子有思想,應按孩子的性格作出轉變。「小朋友係活嘅, 仲有其他外來因素會影響佢,所以個變數係小朋友度,有人可以子承父業,有人係唔得。父母有呢個諗法無問題,正如你播種,但塊田根本耕唔到你想要嘅農作物,好多人喺父母壓力下讀到某個學位,最後發覺鍾意唱歌跳舞,都會轉去做。」

譏諷媽媽冇讀書

與其他家長一樣,Esther正面對小朋友不願坐定定做功課的問題,她正教導囡囡要學識管理時間表,安排好每日做功課、補習及玩樂時間,但絕對沒有安排七個碩士生補習。「中英數基本嘢就有補,佢讀國際學校,覺得英文易過中文。但呢個小朋友係坐唔定,叫佢坐定定做功課就覺得好悶,所以我冇坐喺佢旁邊教功課,等老師幫佢。依家我要佢學習管理時間,做好自己應做嘅嘢。」

張 家 輝 都 是 「 女 兒 奴 」 一 名 , 返 屋 企 見 到 個 女 就 開 心 , 細 個 好 鍾 意 同 個 女 玩 騎 膊 馬 , 但 囡 囡 長 大 後 想 玩 咩 由 個 女 話事,家輝就奉命陪玩。
張家輝都是「女兒奴」一名,返屋企見到個女就開心,細個好鍾同個女玩騎膊馬,但囡囡長大後想玩咩由個女話事,家輝就奉命陪玩。

Esther小時候不喜歡讀書,現在叫囡囡讀好書,反讓她有話柄,「有時我叫個女讀書,佢就會話『你都無讀書啦!』我好嬲㗎,要解釋番唔讀書嘅唔好處,但俾我再揀,我都覺得讀書真係好辛苦,所以我見佢做功課辛苦,做得好我都會俾獎勵。」

 

慈善探作訪身教

要教好一個小朋友,父母身教最重要,能家校相互影響更有效。早前Esther以「奧比斯兒童大使」的身份,前往尼泊爾作震後探訪,最觸動她是當地一個小妹妹患有先天性白內障,醫好一隻眼後,其母拒絕讓女兒醫治另一隻眼,因為覺得一隻眼已足夠,返港後她告訴囡囡,亦感到難以置信。「我同佢解釋番因為當地人生活太艱苦,所以個媽媽先咁做,之後個女攬住我話媽咪,我哋好幸福好幸運。」

estherkwan13

更難得是學校對尼泊爾地震亦出心出力,能家校合作啟發小朋友的善心,「屋企影響佢係一部分,但學校、同輩對佢嘅影響更大,尼泊爾地震後,學校第一時間出封email,家長可以捐啲咩物資,當地需要啲咩,學校又呼籲有咩食物可以捐出,拎返學校收集。」Esther不知道囡囡被啟發到幾多,只覺得應做就做,「呢個係我個人願望,我唔知自己影響有幾多,應該OK嘅。其實你自己做咗幾多,佢又吸收到幾多,係唔知㗎,只不過我覺得應該做、想做,就去做。」

Esther熱心慈善工作,希望以自己身分幫到有 需要的人,今年首訪尼泊爾,令她眼界大開, 有媽媽拒絕讓女兒醫好雙眼,認為一隻眼的視 力已足夠。「真係諗唔到個媽媽會咁,我哋希 望小朋友健康最緊要,有機會喺面前都唔去 醫,所以好肉緊。」將來有機會都想與囡囡同 行,但一家三口就沒想過,「不過一齊去我應 該有得瞓,今次瞓得好少。」
Esther熱心慈善工作,希望以自己身分幫到有需要的人,今年首訪尼泊爾,令她眼界大開,有媽媽拒絕讓女兒醫好雙眼,認為一隻眼的視力已足夠。「真係諗唔到個媽媽會咁,我哋希望小朋友健康最緊要,有機會喺面前都唔去<醫,所以好肉緊。」將來有機會都想與囡囡同行,但一家三口就沒想過,「不過一齊去我應該有得瞓,今次瞓得好少。」

我的志願:想做演員

不過,10歲的Brittaney最近告訴了爸爸「我的志願」,明言將來想做演員,家輝勸她首要讀好書,「如果你揀好想做邊類型actor,你要諗清楚,之後我哋做一啲專業訓練。」當小朋友提出了想做的事情,Esther認為父母不應立即say no,
反之鼓勵說:「你一定要做好!」令小朋友有動力、有目標去做。「唔需要教佢做戲,佢要做自己就會做到。好似佢細個鍾意搽指甲油,我話我自己唔搽嘅,你想搽我可以買俾你,但你要自己搽。佢就上網睇,學畫pattern,依家佢可以搽到10隻指甲,仲搽得好靚。你想support佢可以support,但你唔support,佢一樣會做到㗎!」

更多精選內容