萬聖節 鬼屋 玩樂全攻略

萬聖節 鬼屋 玩樂全攻略

來到秋天,又係本地萬聖節 鬼屋 湧現的時候,今年一如以往海洋公園有八間全新 鬼屋 ,當中幾間都特別加入親子元素;而迪士尼除了新 鬼屋 外亦請來多位奸角惡人出巡同大家見面,滿足家庭樂。而一邊廂的樂富廣場今年繼續搞免費 鬼屋 ,以近期大熱的喪屍為題,仲有多個「死法」等緊大家嚟玩!

 

撰文︰Pan

海洋公園 8大鬼屋 3間親子必玩

海洋公園今年推出8間鬼屋以及10個嶄新嘩鬼表演,包括「16禁」、「心慌血色吧」、「屍立中學」、「陰陽路」、「屍家路」及夜間專用的「血祭宮殿」,間間都驚嚇度十足!不過今年不再是一味靠嚇,當中幾個親子同樂的熱點要介紹,如只在日間才開放的「照妖宮殿」,大家可透過AR擴增實景技術盡情與AR嘩鬼以手機玩自拍,鬼亦較親民;而今年同電影合作嘅「捉鬼敢死隊Live!」可穿梭電影中多個場景,小朋友仲可以參加學堂,用雷射槍邊行邊捉鬼,超好玩!而設於戶外以及「古惑糖果村」,小朋友可以盡情搗蛋,場內海量的萬樂珠及珍寶珠等緊大家嚟拎,大小遊人滿載而歸先滿足!

捉鬼敢死隊Live!

2
載譽歸來的八十年代經典電影《捉鬼敢死隊》將進駐海洋公園哈囉喂,讓不同年齡的遊人深入探索《捉鬼敢死隊》的靈異世界。
Untitled-1
內特別設有互動體驗「捉鬼敢死隊學堂」,親子齊齊化身為捉鬼敢死隊成員,到捉鬼槍練靶場一展槍法。

古惑糖果村

Untitled-3
小朋友可跟父母一起挑戰搗蛋小遊戲,帶著繽紛糖果滿載而歸,更可與可愛的南瓜精靈圖騰合影鬼馬照片。

照妖宮殿(日間)

Untitled-9
親子可穿梭古式古香的庭園,更可立刻用手機與妖精自拍,為超現實的旅程留下印記。

血祭宮殿(夜間)

Untitled-6
夜幕低垂,華麗宮殿隨即變成恐怖鬼域。牛魔王、蛇妖、蜘蛛精等各路妖魔鬼怪從黑暗中甦醒,向遊人施以凶猛突襲。

屍立中學

Untitled-4
遊人闖入校園會走過鬼影幢幢的走廊,目睹廁所破鏡浮現的恐怖影像。

16禁

Untitled-10
遊人欣賞完妖豔華麗的真人騷後,便會正式展開血淋淋的噩夢──走進一間接一間的陰森密室!喂,男扮女裝?唔怪得知要16禁啦!

心慌血色吧

Untitled-11
亞洲人氣偶像唐禹哲化身殭屍王,以逼真的3D投射影像現身,邀請遊人來到他的豪宅參加狂野派對。

猛鬼巷—陰陽路及屍家路

Untitled-5
兩條全新的猛鬼巷進駐「海濱樂園」及「高峰樂園,分別以中西惡靈為主題,嘩鬼會潛伏於其中,隨時撲出為路過的遊人送上「驚嚇」!

海洋公園哈囉喂全日祭

日期︰10月2日、7日至10日、14日至16日、20日至23日及27日至31日
時間︰10am-11pm
地點︰海洋公園
收費︰成人$385、小童$193;
優越門票︰成人$730、小童$365(優先進入所有鬼屋及特定觀點,獨家進入4間鬼屋密室)
查詢︰3923 2323

 

迪士尼樂園 全新鬼屋神秘上場

迪士尼樂園今年萬聖節難得有新鬼屋,今次名為「詭夢實驗室」的鬼屋由展藝館變成!主題是一個大名鼎鼎的怪異教授帶大家進入詭異屋內,經過重重機關,穿過隧道和迷宮步入疑幻似真的夢境。屋內有多個經典的卡通動畫場境,包括《公主與青蛙》的黑暗世界、《魔盜王─決戰鬼盜船》的監獄和《反斗奇兵》中阿薛的玩具箱,亦會遇上《愛麗斯夢遊仙境》的瘋帽子!除了鬼屋外,場內的特別版巡遊亦唔可以錯過,日間先來個「米奇Halloween大街騷」巡遊,而晚上就請來24個迪士尼經典卡通中的「惡人」參加,包括紅心皇后與啤牌士兵、奸狡的虎克船長和猙獰海盜,以及《怪誕城之夜》的Jack等,配合勁歌熱舞出巡後,亦會在「惡人花園」同大家影相!

Untitled-20
多套迪士尼經典卡通的惡人,今次萬聖節將會出巡同大家打招呼!
Untitled-21
樂園內的展藝館搖身一變成「詭夢實驗室」,《公主與青蛙》、《魔盜王─決戰鬼盜船》及《愛麗斯夢遊仙境》中的場境都可會屋內出現。
Untitled-24
屋內有一名全新登場的怪異教授,將帶領賓客走進詭異的機器,透過隧道和迷宮步入疑幻似真的夢境。
Untitled-1
《愛麗斯夢遊仙境》的瘋帽子都會係屋內出現,同大家打招呼!
Untitled-2
來到《反斗奇兵》中阿薛的玩具箱,呢個洋娃娃完全唔可愛囉。
Untitled-3
先唔好提有冇人出嚟嚇你,淨係個環境已經夠晒陰深驚嚇。
Untitled-23
日間時段,米奇與一眾好友將換上萬聖節新裝,為大家呈獻萬聖節最盛大的日間巡遊「米奇Halloween大街騷」。

 

Disney Halloween Time – 反轉迪士尼

日期︰即日至10月31日
時間︰10:30am-10pm
地點︰大嶼山竹篙灣
收費︰成人$539、小童$385、長者$100
查詢︰3550 3388

 

樂富廣場 免費鬼屋解迷逃脫

想體驗一下萬聖節氣氛,但又唔想使咁多錢,咁樂富廣場個免費鬼屋就絕對要去!如果唔想排咁長時間,大家只要係場內或領展旗9個商場消費滿$400,憑兩張同一商場之即日機印發票,即可換領『喪』玩快證套票,快人一步挑戰膽量!唔好以為免費一定Hea,今年鬼屋以喪屍加監獄兩大元素為題,一入門口已經有獄卒喪屍招呼你!先來個入獄手續,穿上特製囚衣拍下犯人照,同時自行挑選「死法」。屋內陰森恐佈的囚室,配合3D立體浮空投影技術,鬼魂及喪屍將隨時在空氣中突襲浮現,假人在黑暗中亦幾可亂真,真係步步驚心!如果有幸逃出鬼屋,不妨玩埋場內4個嘉年華攤位遊戲,挑戰成功仲有精美獎品拎走!

Link Halloween 2016_1
樂富廣場繼續推出免費鬼屋,今次以喪屍及監獄為題。
Link Halloween 2016_3
一入門口盲有獄卒招呼你,影張犯人相之後可以打印拎走,同埋揀定自己點死法!
走進精神病犯監房將有機會與瘋人院喪屍大對決
來到精神病房,青光加埋病院設計,唔知喪屍會係邊個位等緊大家呢?
恐佈大監倉內一眾垂死犯人無病呻吟讓人不寒而慄,忠告各位閉氣而行
嚟到大倉,究竟邊個先公仔,邊個先係鬼啊?
來到保安控制室,保安就死咗,喪屍就唔知係邊個窗突然彈出嚟!
未能成功找到逃獄密碼者,必須單獨一人面對被四大名屍「同化成屍」的挑戰,包括於電椅房化成「一坐成屍」
整個遊戲有四種死法,呢個行刑電椅真係有電,Model玩完大呼過癮!
Link Halloween 2016_4
走我出鬼門關,出去玩埋四個攤位遊戲定一定驚,贏咗仲有豐富禮物拎走!

領展樂富廣場「屍囚之路」

日期︰9月16日至10月31日(逢星期五至日、公眾假期及萬聖節當日,但10月7日除外)
時間︰4pm-10pm
地點︰樂富廣場B區露天平台
收費︰場內或指定商場消費滿$400,免費換領入場劵。
查詢︰27151800

 

全文完

更多精選內容