周汶錡 囝囝拍寫真賀中秋

周汶錡 囝囝拍寫真賀中秋

一年容易又中秋,今日係人月兩團圓的大日子,颱風又遠離香港,相信大家都已經諗緊放工有咩節目!如果未有頭緒的,不妨向名模周汶綺(Kathy)的可愛兒子Jacques參考一下!呢日Kathy又在IG晒寶貝仔的可愛照,相中見到Jacques親自set位影寫真,睇到粉絲暈晒浪!

 

撰文︰Sunday Kiss

圖片︰Instagram

 

Kathy與法籍老公Julien Lepeu的愛子Jacqeus只有14個月大,不過天生長得一張明星臉,眼大大面紅紅,網民亦為其瘋狂!

雖然爸爸係法國人,不過Jacques一樣會過個傳統中秋!相中見到佢落手落腳整一個中秋寫真集的影相位,以星星布作背景,另外仲有傳統金魚燈籠及楊桃燈籠,甚有中西合璧的味道!最後由索媽Kathy操刀,好一副美男賀中秋圖!

至於另一靚太陳敏之亦應節玩燈籠,見到與一個兔仔燈籠嘴對嘴,並留言:「中秋節快樂!」

另外當然唔少得為自家品牌出品的月餅宣傳!

全文完

更多精選內容