港姐 的抉擇 嫁定係唔嫁？

撰文：Jacqueline

事緣係咁嘅， 港姐 冠軍馮盈盈日前就喺Facebook度貼咗張相，相中的她戴住一隻藍寶石戒指，寫上：「今早一起床連牙都未刷，就有個男人喺我面前捧住隻藍寶石戒指，單膝跪低……」原來係醫生男友Martin向佢求婚。唔通Martin怕馮盈盈當選之後會變心，所以即刻求婚箍實女友？

所以我哋就整咗個投票，問下一眾網民嘅意見：「如果你22歲，啱啱嬴咗 港姐 冠軍，你又嫁唔嫁呢？」

結果有成7千多位網民表示「梗係嫁！」，1千幾位網民就話唔會嫁啦。對比都幾大。

假設完自己係主角之後，就入返正題啦，究竟一眾網民對於依單「港姐冠軍與十優男友訂婚」又有啲咩評價呢？

有網民就話唔會嫁，因為自己幸福要靠自己爭取。唔通十優男友真係比唔到幸福馮盈盈？

亦都有網民推測Martin求婚嘅動機：因為怕馮盈盈會變心，所以先急於訂婚。

都有網民指，女方本身參選港姐已經係唔安於現狀的表現。係咪即係馮盈盈想擺脫Martin，入娛樂圈搵個更好嘅男友？

當大家對於「嫁定唔嫁」，「有咩動機」議論紛紛之際，另一邊廂就有眼利嘅網民將焦點放咗落隻訂婚戒指度。

網民就話覺得馮盈盈手上隻戒指好熟口面，好似早前喺網上流傳果隻用玻璃酒瓶做嘅戒指。

依隻就係早前喺網上瘋傳利用玻璃啤酒瓶碎片，自製而成的綠寶石戒指啦。望望下同馮盈盈手上果隻確實真係有啲似喎！唔通……Martin真係咁有心，連訂婚戒指都親手整？