長灘豪華 露營  免費送玩水上活動

長灘豪華 露營 免費送玩水上活動

中秋過後,和煦陽光既涼風送爽,絕對是去郊外地區 露營 最佳季節!位於大嶼山的浪高長岸,其坐擁數里長灘靚景,其著名的南非豪華營就駐紮在岸邊,一起身打開個帳幕,就可以極速投奔藍天碧海的懷抱,各式水上活動等緊你嚟免費玩,夜晚燒埋嘢食更是一絕!

撰文︰Pan

 

豪華 露營 供電冷暖氣

一講起 露營 ,大家都諗起蚊釘蟲咬或者冇覺好瞓,以上因素都足以令大家卻步。而大嶼山長沙的浪高長岸水上活動及度假中心,最近推出豪華的「南非營」套餐,足以令大家對 露營 完全改觀,就算帶埋一家大細前來度假,都可以輕鬆、舒服地親近大自然,是親子秋日 露營 的好選擇!場內的主角「南非營」為超大帳幕,可容納四人至十人,空間十足的營內,配備相當齊全,鋪設木地台,提供冷暖氣、防蚊網及舒適睡墊,而且最重要的是提供充電插頭,手機唔怕冇電;門前部份設有半露天休憩空間,幕頂設有吊扇方便大家乘涼及開餐,在這BBQ亦可以。大家入住後亦可享用室內的淋浴設施,場內有熱水供應,秋冬嚟到都唔使涯凍沖凍水涼!

13243999_10153579968911272_8797764703906747522_o
浪高長岸在大嶼山的長沙,坐擁三公里長的沙灘。
OLYMPUS DIGITAL CAMERA
入住南非營,有別於一般的露營體驗,有電及有冷暖氣供應,可謂豪華版。
fun110402_22
南非營空間十足,而且鋪有木地板,瞓覺不怕會有石仔頂背脊。
fun150510_6
提供冷暇氣的露營,在香港甚為少見;跟大自然拉近距離的同時,晚上亦有覺好瞓。
fun150510_5
南非營有一個設有吊扇的半露天空間,用作用餐區甚至在此BBQ亦冇問題。

免費任玩水上活動

浪高長岸就在長沙泳灘上,長灘延綿三公里,對正藍天碧海,豈只能遠觀,只要入住南非營,就可免費享用中心內的多種水上活動及設施,包括沙灘傘、沙灘玩具、獨木舟、衝浪板、淺灘衝浪板及半身衝浪板等,而11月後免費的水上活動項目,更添至滑浪風帆、立式單槳衝浪板及巨型立式單槳衝浪板,大家可以一次過玩盡各式水上玩意,超抵!玩完水後,如果仲有力可以玩埋陸上的玩樂設施,如草地上的遊樂場及沙灘上的彈床等,絕對係親子放電的好去處,大人細路都樂而忙返。

fun12080502_21
半身衝浪板,又名身體衝浪板,是已包的免費水上活動之一,簡單易玩,小朋友都一學就識。
fun130231_33
另一免費的淺灘衝浪板,又名沙板,專在沙灘淺水區域玩的水上活動之一,刺激好玩之餘,唔需要去深水區,較安全!
SKPoly
傳統衝浪板亦是免費,平時租要幾十元一小時!如果撞正好浪的日子,絕對要玩返夠本先上岸。
Kayak
以上衝浪活動太刺激,想文靜少少?獨木舟都係免費任玩,同埋大班朋友玩就最啱!
OLYMPUS DIGITAL CAMERA
十一月起,本來要另外收頫的巨型立式單槳衝浪板都可以免費任玩!一次過可以幾個人上去玩,坊間少見!
Tentnewphoto
小朋友如果玩完水,仲有體力的話,不妨去遊樂場繼續放電。
fun130231_39
小朋友見到沙灘上有彈床玩,個個都猶如甩繩馬騮衝上去。

加$200追加BBQ晚餐

以最低消費4人入住計,9至10月份內的星期日至四價錢,平均為$320一位,已包住宿、儲物櫃、熱水淋浴及水上活動。而餐飲方面,度假營外有多間餐廳,中、西及亞洲餐都有供應,亦有士多供大家補給。其實一場來到,不妨在度假中心內享受海邊的秋夜營火燒烤樂,附開爐費即可以自己帶食物來燒烤:如果大家夠4個人,又唔想山長水遠自攜食物的話,每人只需多加$200就可以享用場內供應的燒烤晚餐。食物唔單止簡單腸仔肉丸,仲有法式麵包、凱撒沙律、雞翼、德國大肉腸、豬排骨、牛扒、魷魚、栗米以及金菇等,每個爐包一包炭及每人一罐汽水。品嚐美食,欣賞彩夕;細聽浪聲,抬頭望星,是為秋日露營的賞心樂事也!

decor_14
長沙的日落景致如畫,彷彿置身東南亞的國度。
fun120430_3
在風光如畫的海灘,更有機會見到彩虹呢!
WhatsApp Image 2016-09-08 at 1.42.34 PM (1)
燒烤晚餐的食物選擇甚多,沙律、靚肉扒至海鮮都有。
OLYMPUS DIGITAL CAMERA
每人另外多加$200就可以享受燒烤樂。

浪高長岸

地址:香港大嶼山長沙下村29號(顯示地圖
營業時間:星期一至五:上午十時至日落;星期六、日及公眾假期:上午九時半至日落
電話:2980 3222
收費︰$1,280/4人營(9月至10月份,星期日至四),$1,699//4人營(9月至10月份,星期五、六、日及公眾假期前夕);燒烤晚餐每人另加$200
網址:http://longcoast.hk/?lang=zh-hant

關鍵詞
長灘露營

更多精選內容