聖嘉勒長腿高妹-鍾慧欣

聖嘉勒長腿高妹-鍾慧欣

叫得「女神」,冇理由淨係得個樣,喺佢身上一定仲有啲「重點」,係令人難忘嘅!今次呢個嚟自聖嘉勒女書院嘅高妹-鍾慧欣(Phoebe),唔止因為身高高達179cm而「高人一等」;一雙合乎身材比例嘅長腿,亦都令人印象非常深刻!唯一令人擔心嘅係… 女仔人家高成咁,會唔會好難搵男朋友呀?

2014-12-22-07-40-53_deco

聖嘉勒係一間歷史悠久嘅傳統名女校,女生校服裙上嘅4粒紅鈕,亦係非常獨特嘅設計,不過你哋又知唔知背後有咩意義呢?4粒紅鈕其實係代表四樞德:智、義、勇、節,與聖嘉勒嘅辦學理念融為一體,希望學生克己、生活簡樸,唔好盲目隨波逐流。

2014-12-22-08-07-40_deco

其實以身高179cm嚟講,體重得63kg,其實一啲都冇超標!不過Phoebe就好介意自己嘅體重係6字頭,話其實女仔都係50幾kg,重過人7、8kg,真係好肥囉!不過Phoebe可能唔記得,佢比一般女仔起碼高10至20cm呀!重少少算得係乜呀!?

IMG_3121

Phoebe話佢自己好為食,暑假嗰陣日日食唔停,不過好彩佢本身好鍾意做運動,本身玩開田徑,仲瘋狂愛上打泰拳,運動量咁高,唔怪得咁fit啦!

IMG_3200

聖誕節又到喇!有啲學校就趕喺聖誕假前完成期中試,俾啲學生開開心心咁放假!不過Phoebe就冇咁幸福喇,佢放完聖誕假返去就即刻要考試喇!所以今年聖誕就冇得去玩喇!

2014-12-22-07-55-34_deco

Phoebe係個運動健將,點會淨係識得擺pose show長腿!喺短片入面,佢仲表演咗一招絕技俾大家睇,想知係乜?去片啦!

冇話要讀名校至可以係「學界男女神」嘅!

只要你係中學生,你又認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋,就ok架喇!

「學界男女神」,等緊你嚟挑戰!

 

撰文: Joanne

攝影: Paul Choi

攝錄及剪接: 豪

Hair:[email protected] Makeup

Makeup: [email protected] Makeup

鳴謝: FODIO 提供場地

 

 

更多精選內容