農夫 《嘩鬼上學去》 體育堂慘變泥漿人

撰文：Heidi Lau
圖片：無綫電視截圖

Mount Kelly College的學生在運動方面非常出色，如英國代表隊選手Daniah Hagul便是該校Year 12學生，既然學校的運動咁勁， 農夫 當然要試一試啦！

板球

板球係英國的傳統運動，香港好多學校都有教學生玩板球，採取投擲、擊球方式，有點類似棒球。C君、陸永就第一次玩，練習過後著上裝備，正式落場比賽，板球看似簡單，但陸永完全見唔到對方投出的球，佢稱之為童夢幻影球，仲大讚同學仔：「Your ball faster than a shadow! (你個波快過影子)」。

欖球

欖球起源自英國，難得嚟到英國學校， 農夫佢哋當然要試下啦！相對板球運動，欖球就激烈啲，裝備勁啲、運動量大啲，所以訓練都辛苦啲，睇陸永同C君齋係撲向條柱，已經臉容扭曲，就知幾咁痛啦！

跑泥漿

板球、欖球算是小兒科，第三項運動 農夫 佢哋要跑泥漿！導師話因為要喺沼澤比賽，所以平日訓練就要去跑泥漿，習慣潮濕、泥濘等，C君、陸永喺泥地又跑又跳，啲泥又濕又滑，搞到佢哋寸步難行，陸永話好似俾十個羅莽捉住你咁，想行都行唔到，C君仲話點解呢個運動唔使簽生死狀？

以為咁就完，邊有可能？跟住仲要玩扮牛車，由陸永抬起C君雙腳，C君要用雙手喺泥濘爬行，佢大呻：「一入去，啲泥水已經掂到個鼻，所以我哋好快就輸咗！」

玩完泥之後，佢哋要去跳水，但唔係簡單就咁跳，係要喺懸崖邊跳落水，分四級，由一米到五層樓咁高都有，膽細嘅 農夫 小試牛刀，只係跳咗第一級，原來C君唔識游水，就算有救生衣都好驚，所以第四級就睇同學仔跳。

參考資料：衛生處網頁