Bryan平時最like打籃球，今年仲係校隊隊長！不過千祈唔好以為佢係隻波牛呀！其實佢都幾有藝術天份架，平時仲好鍾意畫畫同唱歌，下面嗰幅畫，就係佢畫番自己細個嗰個樣，都畫得幾好丫！

唔好以為Bryan個樣好似好沉鬱，其實佢份人好樂觀，好玩得架！睇佢facebook成日都會po好多惡搞相出嚟，最新力作就係同班同學喺校內歌唱比賽嘅反串演出，一條校服裙，加埋一對毛腿，真係非常頂癮！

今年讀緊中六嘅Bryan，好快就要考DSE，佢話雖然自問成績唔算標青，但係都覺得可以應付到，仲有信心可以入到大學！希望可以入到有關設計嘅學系，第時做個設計師！

其實Bryan唱歌都好好聽架！之前仲試過跟朋友一齊喺街頭賣唱tim，佢話都有諗過向唱歌方面發展嘅，不過呢啲都係要睇際遇嘅！

難得有機會，我哋當然有叫Bryan表演吓啦！想知佢係咪真係咁掂？去片啦！

冇話要讀名校至可以係「學界男女神」嘅!

只要你係中學生，你又認為自己或者身邊嘅同學仔有呢個資格，都可以自薦或推薦俾我哋!

參加方法好簡單，只要將參加者嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋，就ok架喇!

「學界男女神」，等緊你嚟挑戰!

撰文: Joanne

攝影: Clay Lam

攝錄:Ming Chan

剪接: 豪

Hair:Willson@KINGS Makeup

Makeup: Wasabi@KINGS Makeup

鳴謝: 8five2shop提供場地