陳敏之 : 沒有勇氣順產

陳敏之 : 沒有勇氣順產

預產期為12月的 陳敏之 坦言沒有勇氣順產 ,因為之前拍戲試過斷骨又弄傷頸,擔心順產風險大,經深思熟慮後,為了母子安全着想,決定有計劃地開刀,希望坐月好能助她身體盡快復元。

 

撰文:Ling
攝影:Alison Kwan(部分相片由受訪者提供)
化妝:Jessica Chan
髮型:Eve [email protected]’s PRIVATE i SALON
造型:Wong Peggy
服裝︰Iris & Ink、Issey Miyake、Sergio Rossi、American Eagle Outfitters
場地:MioXpace (tel: 9711 9533)

最擔心係 順產 過程

陳敏之 曾在順產與開刀之間掙扎良久,更為此請教很多媽媽,最終自己缺乏勇氣順產 ,但原因並非怕痛。「我唔係怕痛嘅人,但以前拍戲試過斷骨又整親頸,我最擔心反而係順產過程,有人試過陣痛十幾個鐘都未生得,結果發現BB臍帶纏頸要立即開刀,仲有好多難以估計嘅情況,其實都可以避免,所以為咗BB安全我選擇開刀,想有計劃咁生出嚟,雖然傷口可能要半年先好番同有疤痕,但依家醫學先進,開刀技術都好好,對身體唔會有太大影響。」

6
要身體盡快復元, 陳敏之 相信最重要是坐月補身,「坐月坐得好,身體可以比以前更強壯!」她的體質一向較虛寒,反而懷孕後體溫上升,「我以前好怕凍,冷氣大少少已經要包實晒,甚至着羽絨,但有咗BB之後個人熱咗,依家喺室內露手臂都冇問題。所以我諗如果坐月坐得好,可以將身體唔好嘅嘢洗晒,幫身體再調理一次。」

陳敏之 不想囝囝做童星

懷孕期間 陳敏之 減少工 作,曲奇餅店生意交由拍檔處理,並暫停拍劇專心養胎,只間中出席活動。生B後她亦考慮減產,希望投放更多時間照顧BB,「我只會揀啲適合嘅去做,主要係時 間上,要離開香港太耐嘅唔會接,唔可以好似以前咁周圍飛。如果劇本角色吸引,時間又許可我都會拍,唔會停產。」

cats
自懷孕後敏之母愛氾濫,鍾意周圍搵BB影相,包括陳國坤黃伊汶的靚仔B陳真(右圖)。

當提到拍劇, 陳敏之 感慨好多童星失去了童年,「佢哋比較成熟、老積,似一個大人,因為佢哋聽得多大人講嘢,有時劇組嘅大人講嘢,細路仔未必啱聽。我覺得小朋友應該去摘士多啤梨、去睇動物,而唔係帶佢去roll機。我見到啲童
星都好,考完試過嚟拍戲,第二朝仲要返學,點解要帶佢哋嚟拍戲呢?」
陳敏之 與童星家長溝通過後,亦理解他們只想為子女留個紀念,故不反對別人的想法,但自己就不希望囝囝走上「星二代」之路,希望他專心讀書。「我都嫌自己讀書唔夠多,就算佢想入行都要讀晒書,充實咗知識先,不過我盡量都唔想佢入行,玩吓就算,唔好當終身職業,我相信外面世界更加大,應該出去擴闊眼光,唔好困住喺娛樂圈。」

更多精選內容