【煙煙韌韌】紫薯西米糕

【煙煙韌韌】紫薯西米糕

我平日都比較少整中式甜點,其實唔係我唔想整,只係老細唔多鐘意食,小小豬又只愛食啫喱、果凍依啲凍甜品,整左冇人食又真係幾冇癮兼又冇動力嘛!

事緣今次要同老公齊齊返教會開派對,所以我終於等到機會整我想試好耐嘅西米糕啦!

其實以中式甜點嚟講除左砵仔糕之外,我就鐘意食西米糕,因為好鐘意佢煙煙韌韌嘅口感。砵仔糕我就仲未搵到細細缽仔嚟,所以就先整西米糕啦!

西米糕簡單得嚟又多變化,餡料就可以隨自己喜好加入,真係可以話人人地啱食。原本我都打算自己整埋個餡料,不過由於時間關係,最終我都全係最現成的,所以就貪新鮮用紫薯蓉嚟做餡料。

材料都係好簡單,包括有西米 100g、砂糖 30g、馬蹄粉 70g、水 70ml、食油 1湯匙(我用橄欖油)、紫薯蓉 隨意~
Picture

先將西米放入滾水中煮8分鐘,再熄火下蓋焗20分鐘,直至西米變成透明~

Picture

然後用凍水沖洗過冷河備用~
Picture

準備好足夠份量嘅馬蹄粉及砂糖~
Picture

然後加入水拌勻,直至看見兩者完全混合~
Picture

再加入食油~
Picture

最後加入西米再拌勻至全部材料混合好晒~
Picture

先放西米到半滿於模內,再加入紫薯蓉(份量多少就隨口味啦,不過就唔建議太多,如果唔係入口就會好”滯”啦),最後再放入西米~
PicturePicture

隔水大火蒸10分鐘,時間到了可以先用竹籤輕插睇下仲冇黏住啲粉,如果冇就即係全熟,可以食得啦~
Picture

哈哈哈….第一次整個賣相都叫做見得下人呀~
Picture

味道都叫算合格啦,都總算做到煙煙韌韌嘅口感,而且配合埋個紫薯蓉,兩者都真係幾夾哦~ Picture

不過要提一提大家,最係就趁佢仲係熱熱地嘅時候食,因為凍左就會有少少變硬,到時就會有少少影響個口感啦!

經過今次成功之後,有左少少信心就可以下定決心,下一次一定要向難度戰,快啲搵細細嘅缽仔,整砵仔糕先得(其實我曾經整個三次砵仔糕,每次都係失敗呀…鳴鳴鳴)!

 

BY 小小豬的成長日誌
Picture

更多精選內容