陸永 曾後悔有小朋友

陸永 曾後悔有小朋友

農夫成員 陸永 近年人氣急升,無論做主持還是拍劇都相當成功,工作接不停!不過最令人羨慕係佢有個幸福家庭,老婆Rainah靚女又賢淑,兩個女兒一穎及一心超可愛,簡直係係圈中模範!不過歌手糖妹最近到電台宣傳時透露一個秘密,原來 陸永 當初係好後悔有咗小朋友!

 

撰文︰Sunday Kiss
圖片︰互聯網

糖妹呢日去到電台宣傳新歌《實驗青春》,28歲的她表示近幾年開始嘗試拍劇及做主持等工作,一直邊學邊做,但同時都希望可以繼續發展自己的音樂事業。而今年正正有個好機會,公司給予佢出碟的話事權,讓佢可以搵自己喜歡的音樂人、做自己喜歡的題材。另外糖妹表示為了新歌四出訪問,訪問了很多藝人做過甚麼無悔的事,其中佢大爆 陸永 原來當初好後悔有小朋友!

陸永 奉子成婚喊驚

糖妹指 陸永 當年與太太Rainah奉子成婚,本來好後悔有咗小朋友,因為佢當時事業未算十分成功,對將來亦未有充分的計劃。不過漸漸就由後悔變成無悔,最後仲生多一個!

陸永 一對女兒都遺傳到靚媽媽Rainah的優良基因,長得標緻可愛,深受網民歡迎。陸永 現將一對女兒視作掌上明珠,一家四口樂也融融,相信佢依家點都唔會後悔有小朋友啦!

全文完

更多精選內容