楊怡 謙謙恩愛滿場飛 星級賓客變攝石人

楊怡 謙謙恩愛滿場飛 星級賓客變攝石人

昨日全城最矚目當然係藝人 楊怡 與羅仲謙大婚,謙謙一早就率領星級兄弟團到達酒店,過關斬將成功接新娘!楊怡 同謙謙人緣甚佳,晚上舉行的婚宴有大量娛圈中人盛裝出席,賓客亦當然唔少得搵一對新人影相集郵啦!不過昨晚 楊怡 同謙謙實在甜蜜得過份,全晚影形不離拖到實、攬到實,就算與賓客合照一樣係沉醉於二人世界之中,使星級賓客們都頓變晒「攝石人」,真係sweet到眼都盲啦!

撰文︰Sunday Kiss

圖片︰Facebook

楊怡 與謙謙昨日舉行婚禮,正式成為合法夫妻,晚上假麗思卡爾頓酒店筵開52席。兩人下午穿上華麗禮服接受訪問,談到生BB問題,謙謙就笑說想兩年抱三,不過一切都係隨心。佢最希望有兩個小朋友,第一胎係囡囡,而第二胎係囡囡就最開心。小編在此希望兩位早日生兩個肥肥白白的小朋友啦!

賓客去婚禮的指定動作當然就係與一對新人合照,不過楊怡同謙謙全晚如同糖黐豆sweet到漏,幸福感滿溢羨煞旁人。從以上幾張合照可見,兩口子就算合照都一樣沉醉於二人世界之中,而樂瞳、龔嘉欣與楊秀惠三位靚女… 都頓變成攝石人吳若希!可以甜蜜如此,真係只有 楊怡 同謙謙先做到!

吳若希心諗︰做咩學我?

雖然楊明親密地箍實 楊怡 條頸,不過 楊怡 雙手依然係捉實謙謙,輕輕依偎在老公肩上,楊明同莊氏姊妹完全搶唔到鏡!

在一對甜蜜幸福的新人旁邊,就算係任何天王巨星都一樣變得黯然無光!在此再一次祝 楊怡 同謙謙幸福快樂,白頭到老!

全文完

更多精選內容