聖心妹的fantasy-彭詠欣

聖心校規嚴就好多人都知， Salina話學校平時對佢哋嘅言行舉止都執得好緊，好似校服裙唔可以短過膝頭啦，裇衫要扣埋頸喉鈕啦，連紮辮嘅橡筋顏色都要跟足規定，所以出哂名乖，都唔係冇原因架!

Salina話，佢哋學校啲女仔，做嘢又有passion，仲好多才多藝tim! 好似佢咁之前就好熱衷跳東方舞，而家就好享受同啲朋友一齊，由賽前度稿，到落場去打辯論，都令佢好有滿足感。

Salina話，佢覺得最fantasy嘅嘢就係睇日落，唔止因為個景色好靚，好吸引，仲好有天長地久嘅感覺，所以佢其中一個夢想，就係睇勻全世界最靚嘅日落!

嘉年華對Salina嚟講，都係一個充滿fantasy嘅地方，佢話如果可以同鍾意嘅人，喺黃昏時分一齊嚟玩，咁就最浪漫喇!

同好多少女一樣，Salina都好迷韓劇架!好似《繼承者們》咁，佢話啲情節好有童話feel，雖然而家冇男朋友，不過睇嗰陣真係好有遐想! 但係睇完之後就覺得 : 現實中應該好難有~

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: 溫俊鏘

攝錄:Ming Chan

剪接: 豪

Hair & Makeup:Emma@KINGS Makeup

鳴謝:AIA友邦歐陸嘉年華(提供場地)

及