陳琪 準備生 胡諾言大肚上畫B仔

陳琪 準備生 胡諾言大肚上畫B仔

今年六月時,胡諾言太太 陳琪 被影到腹大便便行超市,其後胡仔亦在網上公布喜訊,第三個愛情結晶品將於十月出生!早年試過流產的 陳琪 本以為未必能再生B,不過如今奇蹟地追番個仔,實在可喜可賀!日月如梭,不經不覺已十月, 陳琪 準備入院剖腹產子,而再次做爸爸的胡仔亦非常興奮,在老婆的大肚上晒畫功!

 

撰文︰Sunday Kiss

圖片︰微博

胡仔與 陳琪 拍拖七年,於09年拉埋天窗,兩人現育有一對分別7歲及3歲大的女兒,一家四口樂也融融。但其實 陳琪 3年前曾試過流產,當時懷孕7周的 陳琪 流血不止,要立刻做懷孕終止手術外,更差點要切除子宮,醫生更說以後未必可以再生B。估唔到,奇蹟終於發生!

今年四月胡諾言與 陳琪 慶祝結婚七週年,當時 陳琪 已經肚凸凸孕味濃,而胡仔亦透露今年收到一份特別的禮物,暗示再做爸爸!

話咁快已經十月,預產期係今個月中的 陳琪 ,今日在微博上載幾張新相並留言︰「快啦!快啦!未到之前畀大家欣賞下(吓)胡生嘅畫工(功)!……」 原來係老公胡仔在其大肚上塗鴉,畫了一個濃眉大眼的男仔樣,似乎胡仔真係好期待B仔的來臨,咁快諗定佢個樣!

另外胡仔早前亦上載一張有五個相框的相片,分別代表兩佢公婆和兩個女兒,以及就快出世的B仔!

全文完

更多精選內容