甜心爺爺 劉丹 :孫女係happy girl

甜心爺爺 劉丹 :孫女係happy girl

劉丹 (丹爺)今期接受《東方新地》訪問,分享入行演藝圈多年心得,又大談兒子劉愷威、新抱楊冪以及兩歲孫女小糯米的生活趣事。講到孫女小糯米,丹爺就笑到合唔埋口,仲話佢古靈精怪,睇嚟丹爺好錫孫女啊!

 

 

編輯:Fiona Fong
圖片:新傳媒資料室
(內容節錄自986期東方新地)

劉丹 為孫女搬屋

早前 劉丹 全家搬屋,一來是因為校網,二來希望孫女有自己一間房。「佢都係時候要自己一間房,依家嗰度大啲、多間房。」

bbb
孫女小糯米現就讀維多利亞國際幼稚園。

小糯米似公關 周圍同同學打招呼

問到孫女性格,丹爺笑說:「佢好奇怪,佢返學,一入到學校門口,主動同小朋友打招呼,同學仔啲名佢記得晒,周圍打招呼,好似做公關咁,見到鍾意嘅老師,自己走埋去拖,老師名又係記得晒,佢有個好處,就係成日笑,我同個仔都係鍾意笑,可能係遺傳到我哋啲基因,學校啲老師都話佢係『Happy Girl』,哈哈!」

DSC_3820

孫女又有無遺傳到丹爺嘅演藝細胞呢?

丹爺笑說:「通常佢曳係我扮衰人,我會扮惡叫佢個名,有時我問佢爺爺做咩發脾氣,佢會扮番我發惡個樣,好多古靈精怪嘢,好好玩!」不過丹爺就唔係好想孫女成日曝光,所以好少帶孫女出街,返學、去街都係嫲嫲帶多,因為一見到丹爺就知道到佢係小糯米啦!

mi
劉丹稱為避採訪,通常由太太帶孫女外出,自己則多數在帶孫女到屋苑會所玩耍時才現身。

點睇對新抱楊冪的負面評價?

外界常傳出對楊冪的負面評價,丹爺一於少理!「通常我新抱同仔,睇到嗰啲新聞,就會話:『唔好理佢,愈理,愈多嘢寫,沒完沒了;唔理佢,反而慢慢靜咗冇事。』總之係唔係,自己知,怕咩人講,我哋全家人都採取呢種態度。」

dc689

丹爺仲大讚新抱「唔計較」:「問佢有冇睇負面報道,佢會話『不要理他!』一味喺度唸經,佢自己有個神壇,帶住去劇組周圍去,去到邊都唸經,揸住佛珠唸,一個咁虔誠嘅佛教徒,會衰得去邊?」

同阿仔、新抱多唔多見面?

DSC_3844

原來呢排丹爺新抱同阿仔拍不同組嘅戲,「我個仔依家喺新疆,新抱依家喺北京,有時兩個夾啱一齊返嚟,有時邊個得閒就邊個返嚟,有次試過個仔上晝走,下晝新抱返嚟,佢哋有三幾日得閒,都飛返嚟睇個女,日日都視像通訊,初初孫女覺得好新奇,依家鏡頭對住都唔理,自己玩自己嘅嘢,哈哈!」

屢傳愷威同楊冪夫妻感情有問題,丹爺點睇?

丹爺就話眼見唔覺有問題,「只不過喺唔同地方拍戲,有時佢哋得閒都會喺北京碰頭,總之我哋自己屋企知道咩事就得。」

盛傳愷威楊冪整容,丹爺反擊!

mib2

丹爺反擊之餘,仲拎埋楊冪3歲嘅樣出記者睇,力證佢無整容!「同依家差唔多,都係鼻高高、眼大大,佢冇理由3歲走去整容,冇可能吖嘛!劉愷威嗰時有啲baby fat,年紀大咗,baby fat梗係冇鬼咗㗎啦,同埋佢後期真係搏命操,佢去邊度拍戲都帶埋做運動嘅架生去,有時又會跑步,佢又減得好快,有時一部戲完咗,休息幾日食到肥咗啲,過兩日開戲,跑番步佢又keep得番。」

關鍵詞
劉丹

更多精選內容