加菲貓

加菲貓 現身陪你過聖誕

熱話

廣告

又到聖誕,又到聖誕… 聖誕節就到了,梗係要同一大班朋友開聖誕party,盡情食,盡情玩啦!今個聖誕, 加菲貓 將會乘坐阿的化身的鹿車去到將軍澳中心同大家開「為食派對」添!由本月18日至2017年1月1日期間,將軍澳中心將會舉辦「將軍澳中心x加菲貓“Eat’Mas”為食派對」,主角加菲貓當然少不了!到時除咗會有多個趣緻可愛的聖誕造型加菲貓之外,仲會有甜甜圈及七彩雪糕杯擺設比你自拍一番,想同 加菲貓齊齊共度聖誕嘅你,就切勿錯過啦!

 

Text: sunday KISS

 

加菲貓 聖誕為食派對 結伴暢遊「甜蜜花園」

將軍澳中心將會於聖誕節期間打造 加菲貓 “Eat’Mas”為食派對,為配合美食主題而特設了多個甜點裝置, 加菲貓 最愛的甜甜圈就一定少不了,好友阿的更會現身於甜甜圈,同場更有大型 加菲貓 主題雪糕杯及聖誕糖果屋裝置,打造成一個「甜蜜花園」,與大家共度「甜」蜜溫馨時刻,整個商場「甜」蜜滋味滿瀉。聖誕佳節又點少得聖誕樹!閃亮炫目的聖誕樹將會屹立於商場中庭的位置,到時大家更可以倚伴 加菲貓齊齊坐上由阿的化身的鹿車上,暢遊冰雪天地, 加菲貓 迷,一定唔可以錯過!

加菲貓 郵局登場 聖誕老人親自回覆

聖誕節,小朋友最想得到一定係聖誕老人的禮物或祝福。為咗實現小朋友的夢想,屆時商場特設 全港首間 加菲貓 郵局,顧客只需於商場以電子貨幣消費滿港幣指定金額,即可免費換領「將軍澳中心‧加菲 聖誕新年名信片」乙張,於場內之 加菲貓 郵筒投寄海外版名信片,便有機會得到身處於聖誕老人故鄉–瑞典北部小鎮耶利瓦勒或本地的聖誕老人親筆回信,令小朋友願望成真!

為食 加菲貓 出巡 同大家selfie

作為 加菲貓 粉絲,淨係同 加菲貓 擺設影相又點夠!商場特意安排了 「為食 加菲貓 出巡」, 加菲貓 將會聯同阿的於指定日子在商場內出現,與大家拍照留念玩樂一番!此外,商場將特別舉辦「誰是真正為食 加菲貓 ?」攝影比賽,參加者只需拍下心愛貓咪最為食一面,上傳至將軍澳中心Facebook專頁,即有機會贏取商場禮品。心甜禮遇賞不停!顧客只需以電子貨幣消費滿指定金額,更即可獨家換領主題精品乙份。(數量有限,先到先得,換完即止。)

「將軍澳中心 x 加菲貓“Eat’Mas”為食派對」:

日期:2016 年 11 月 18 日至 2017 年 1 月 1 日
時間:10am – 10pm
地點:將軍澳中心地下中庭

為食加菲貓出巡:

日期:2016 年 12 月 17-18, 24-26 日
時間:4pm – 6pm
地點:將軍澳中心地下中庭顧客服務中心

「將軍澳中心.加菲貓郵局」(海外版):

日期:2016 年 11 月 18 日至 11 月 30 日
時間:1pm – 9pm
地點:將軍澳中心地下中庭
(每日名額 50 個,先到先得,換完即止)

「將軍澳中心.加菲貓郵局」 (本地版):

日期:2016 年 11 月 18 日至 12 月 18 日
時間:1pm – 9pm
地點:將軍澳中心地下中庭

(每日名額 50 個,先到先得,換完即止)

將軍澳中心.「誰是真正為食加菲貓?」攝影比賽:

日期:2016 年 11 月 28 日至 2017 年 1 月 1 日
地點:將軍澳中心 Facebook 專頁

限定主題禮品換領:

日期:2016 年 12 月 1-27 日
時間:1pm – 9pm
地點:將軍澳中心地下中庭顧客服務中心
(每日名額有限,先到先得,換完即止)