失聲食療  流感高蜂期急救鹹竹蜂開聲茶|大小朋友免喉嚨痛聲沙

失聲食療 流感高蜂期急救鹹竹蜂開聲茶|大小朋友免喉嚨痛聲沙

天氣乾燥、經常打邊爐或燒烤,都是引致喉嚨不適,甚至是咳嗽、失聲的原因,飲羅漢果都未必有效。鹹竹蜂焗茶有降火、潤燥、利咽之效,對失聲有顯著療效,老少咸宜。一星期可連續飲用數日,每日一杯,喉嚨有痰或無痰可分別配合不同材料,增加效能。

撰文、圖片:小小豬Kinsey|編輯:Sunday Kiss

失聲

藥材舖執齊最強開聲茶

其實原本我都只係打算買鹹竹蜂焗水飲,不過藥材店員就介紹我加多幾種藥材齊齊焗,可以快啲開聲。一聽到可以快開聲我都即刻唔考慮咁多,請店員執左兩份俾我!

材料包括:

鹹竹蜂

木蝴蝶

胖大海

甘草

份量可請藥材店員幫手,我買左兩份平均都係$10一份,價錢都算合理呀~

失聲

5個步驟 暖水杯焗鹹竹蜂治失聲

1.我今次用保溫杯來焗,首先要將隻杯用普通熱水暖杯(大約15分鐘),然後加入所有材料~

失聲

2.加入熱水後,記得要篤爛隻鹹竹蜂,可以更加出味。過程係有點恐佈,不過為求目的都要做呀~

失聲

3.大約焗半小時~

失聲

4.慢慢倒出就飲得啦~

失聲

5.飲完一杯之後,可以再加熱水繼續泡飲,可以直至味道變淡為止~

失聲

坦白講,其實入口第一下都真係有點難受,可能我仍然係諗住佢嘅蜜蜂樣。第一啖飲落真係覺得好鹹,為咗開聲唯有頂硬上。但飲完第一杯之後喉嚨真係舒服咗好多,之後習慣咗佢個味道,又唔係太反感,所以我都不停加水繼續飲左好幾杯呀~

失聲

飲完真係有啲驚喜,起碼我把聲都開咗少少,喉嚨唔再痛,所以這個古方對我來講,又真係有效!

PS:病左好幾日,喉嚨痛足咁多日,我都已經睇左醫生食左三日藥,不過把聲仍然未開返,為左要盡快開聲,所以非常時期用非常手段,聽朋友介紹試下啲古方,所以就做左人生嘅其中一件大膽事,就係飲焗鹹竹蜂啦!我當日早晚飲左各一次,第二日起身把聲又真係開返,雖然唔係話開曬全部,不過都仲叫做可以講到嘢,可以同人傾計同做到我嘅任務,所以話古方都其實係信得過!

溫馨提示:

由於材料都涉及藥材成分,所以每個人嘅體質都唔同,大家記得煲之前了解下自己,或者問下相熟中醫/藥材店職員,呢個古方啱唔啱自己!

更多精選內容