野餐

野餐用品19款必買|野餐墊+迷你摺凳+餐具:兩大12蚊店買齊!

購物

廣告

野餐 係最寫意的親子活動之一!要一個有難忘主題的野餐日,點少得齊備的野餐用品。12蚊店真係幫到你,除咗最多分店嘅Living PLAZA by AEON之外,同樣以$12作招徠的千色選の樂都分一杯羹,已先後在荃灣、馬鞍山、將軍澳、大角咀及元朗間店。單單去呢兩間12蚊店已能買齊野餐用品,靚樣、實用、平價,三項俱全,買齊以下介紹的19款都係二百幾蚊,真係好難忍到手 。

*無標示價錢劃一$12

1. 主題餐墊

餐墊如同攝影背景一樣重要,絕對影響野餐時拍攝效果,最好買多幾款留番影相備用。經典格仔、日系波點、法式碎花、文青幾何、可愛卡通等都想買,有厚有薄,有大有細,輕易打造主題野餐相集,upload上網呃like好抵玩!

各大私と生活by UNY有售︰

野餐 03s

各大Living PLAZA by AEON有售︰

野餐 08s

2. 兩色迷你版藤籃(Living PLAZA by AEON)

野餐 11s
迷你size(約20cm x 20cm)夠晒cute,打造與別不同的野餐look話咁易,男仔女仔一齊用就更加kawaii呢!

3. 蜜糖匙(Living PLAZA by AEON)

野餐 12
去野餐和BBQ都好實用,唔怕搞到周圍都係,仲可以掛埋喺杯邊,媽咪隨時忙裏偷閒,喺草地來一個afternoon tea抖吓。

4. 可摺式匙叉1套(Living PLAZA by AEON)

野餐 13
摺得埋,即係攜帶收藏都方便,圈形手柄方便周圍掛,實用指數爆燈。

5. 木製匙叉(Living PLAZA by AEON)

野餐 14
天然薄木製造,輕巧環保易攜帶,重複使用不成問題,重點係設計簡約有美感,望落唔cheap,野餐都是品味表現。

6.伸縮水杯(Living PLAZA by AEON)

野餐 15
野餐咁多嘢帶,呢個伸縮水杯夠細,縮埋成塊餅咁樣,輕身又慳位。

7. 六色杯座1套6隻(Living PLAZA by AEON)

野餐 16
輕飄飄的紙杯容易隨風擺柳 ,而且大多一式一樣 ,除咗喺個杯上面寫名分清楚,仲可以用呢款杯座分門別類,更可防止紙杯周圍碌。

8. 可伸縮3.5公升置水器 $35/個(Living PLAZA by AEON)

野餐 17
依家潮流興環保,買樽裝水去野餐隨時會被人歧視。呢個可伸縮嘅置水器,可以裝成三點五公升嘅水,仲有按鈕俾你斟水,尺寸又夠細,用完縮得埋收藏好方便。

9.可伸縮水樽(Living PLAZA by AEON)

野餐 18
有550和300毫升容量選擇,縮得埋,size細到可以放喺掌心,附有鋁質扣方便掛喺手袋或背囊,仲可以留番平時當水壺用,一物二用,好抵買!

10.迷你兩用膠夾(Living PLAZA by AEON)

野餐 19
除了可以用來夾零食和沙律,夾頭位置仲加咗一個小夾,方便用來夾好開封咗,但食唔完嘅零食,防止草地上的螞蟻等小昆蟲偷食。

11.天然石頭冰粒1套4粒(Living PLAZA by AEON)

野餐 20
方形花崗岩石粒用來保冷,只要使用前將石頭放入冰櫃雪兩小時便可。提提你石粒不會令常溫的液體變冷,只會keep住凍嘅液體繼續凍。

12.保溫保冷袋(Living PLAZA by AEON)

野餐 21
波點顏色繽紛,尺寸實用,是難得一見嘅靚袋款,必買!

13. 保冷劑

野餐 23
跟普通保冷劑無異,勝在夠平和大包,400g放入之前介紹嘅保冷波點袋,夠用有突。

14.四摺式坐墊(Living PLAZA by AEON)

野餐 24

野餐 25
去野餐隨時坐草地或硬地,要大人小朋友都坐得舒服,帶張夾咗膠棉嘅坐墊就點坐都得。張墊仲可以摺細啲當埋枕頭用,攤喺度望住天空零舍爽。

15.三色迷你摺凳 各$20(Living PLAZA by AEON)

野餐 26

野餐 27
承重量寫明50公斤,經快速測試後,60公斤以下坐成個鐘都無爛,一般小童和女士都坐得安樂。

16.日式煎玉子框(Living PLAZA by AEON)

野餐 28
呢個長方形煎玉子框是新手入廚好拍檔。有咗佢整玉子燒就快手好多,失敗機會大減,野餐都食到色香味俱全嘅健康煎蛋。

17.迷你飯糰模1套3款

野餐 29
熊仔、星星和心形的飯糰模好吸引小朋友和女仔,而且白飯當野餐食物亦好有營養,食得零舍開心,冷不防又多一個影相位。

18.豬和魚仔造型豉油樽仔

野餐 30
得幾厘米長的豉油樽仔都係方便外用的小物,樣子趣緻,而且可循環再用,夠晒環保。

19.彩色主題膠籤

野餐 31

野餐 32
顏色鮮艷的動物、蝴蝶結和幾何圖案膠籤用來點綴野餐食物,除咗有賣相,還可以藉此吸小孩多嘗試或放懷大吃。

12蚊店有什麼野餐用品值得購買?

單單去呢兩間12蚊店已能買齊野餐用品,靚樣、實用、平價,三項俱全,買齊以下介紹的19款都係二百幾蚊…詳情請看

野餐前需要準備什麼?

野餐 係最寫意的親子活動之一!要一個有難忘主題的野餐日,點少得齊備的野餐用品…詳情請看

撰文:王碧姬圖片來源:王碧姬