網購頭箍  囡囡做頭箍控

網購頭箍 囡囡做頭箍控

好多人都話生女可以幫佢扮靚!Exactly!

在囡囡出世前,我除了幫她置裝外,還買了不少頭飾,主要因為我自己是頭箍控,所以集中買頭帶頭箍。到囡囡出世後,她頭髮不多,戴頭箍可以裝飾一下,而且比較似女仔,不用每次出街都遇到「BB係咪男仔呀?」這一類問題。(雖然有時戴了頭箍都有人問……)

IMG_4397
這是菠蘿媽買的頭帶,囡囡去飲宴會戴。

在網上有很多以handmade頭飾作招徠的網店,我第一間幫襯的是「菠蘿媽handmade room」(facebook),見有朋友買過,又有親子款式。店主菠蘿媽主攻自家製BB頭飾,亦會以韓國物料製作,質料有保證。加上由她可愛的女兒做model,戴上媽媽設計的頭飾,令頭飾更加分。我一次過買了三個頭箍,大約$150一個,其中一款是親子款,店主還會送上髮夾做小禮物。

IMG_4926
這是親子款,但我還沒戴過,顧得個女自己無暇打扮……

a

IMG_5292
我選了塊Cath Kidston花布做頭箍,店主配了綠色絲棉布,可以雙面戴。而且蝴蝶結可以解開,調校長度。

另一間我買過的店是「Being of Love Baby」(facebook)。我結婚時的頭飾是「Being of Love」出品,全部手造,店主最近還有造BB手作。我訂了四款頭箍給囡囡,$340自選四款,以手造來說,我覺得價錢算抵。店主是很有心思的手作達人,更會一針一線繡上圖案及英文字。頭箍的布料還有來自英國的Cath Kidston、Liberty花布可選,充滿英倫風。

IMG_5435
心心上的花及字是店主親手繡上。

b

 

IMG_5384
H&M的淨色頭帶及灰色波點頭帶,襯衫一流。

除了手造的頭箍,有些連鎖店都有BB頭箍賣,我在H&M買過一set三條(約$78),反而囡囡戴得最多。因為棉布質地舒服,款式簡單,容易襯衫。NEXT網店也有BB頭箍,媽媽有時間可以網購(順便睇埋BB衫)。

c
NEXT網店也有頭箍出售。

BB戴的頭箍其實是頭帶。買頭箍給BB第一個問題是,應該預幾大?預BB 兩至三個月時開始戴,大約38至40cm。想準確一點,可以度一度BB的頭圍,其實去健康院檢查也會知道BB的頭圍大小。BB頭箍一般都有彈性,不會箍實BB個頭。

我帶囡囡出街,好多媽媽見到她戴頭箍都會問︰「佢肯戴咩?」我知道好多BB都不願意戴,一戴就扯。囡囡最初戴時大約三四個月大,可能未意會是甚麼,她只是好奇,一照鏡就笑,似乎幾鍾意。到現在她八個月大,開始會扯,尤其發忟憎時,可能不喜歡個頭被箍住的感覺,但當我們引開她的注意力,通常可以繼續戴。頭箍質料很重要,BB肌膚嬌嫩,容易敏感,戴棉布製的頭箍最舒服,布質粗糙、有lace一類的頭帶應盡量避免。另外,頭帶要有彈性,免得箍住令BB不舒服,而且唔會咁快唔啱戴。

關鍵詞
頭帶頭箍

更多精選內容