發帖媽媽指：「我BB隻腳仔打豆後……變成咁，隻腳仔腫咗3倍都無人知，問極姑娘都話唔知，依家唔知點好，佢未識講嘢，但係咁指住隻腳仔，意思係話痛，依家我係醫院只可攬住個女喊，請問我可點做？」帖文一出，網友紛紛留言安慰媽媽，向媽媽打氣，又指同為人母，看到BB腳仔咁樣，心痛到喊咗出嚟！
BB患先天性疾病，由伊利沙伯醫院轉到瑪麗醫院治理，發帖媽媽指女兒出世至今兩年多，從未回家一日。日前在瑪麗醫院打豆吊鹽水後，卻發現女兒的腳仔變成這樣，十分心痛，質問醫護人員卻不獲回覆！BB爸爸已報警求助，希望早日得到醫院方面的回覆。
