【親子好去處】動感科學園地 – 閃亮聖誕狂熱

【親子好去處】動感科學園地 – 閃亮聖誕狂熱

科學園雖然我地都真係嚟過好幾次,不過每次同小小豬講我地入科學園參加工作坊,佢都總係超級興奮兼期待,當然啦…..每次嘅主題都唔同,工作坊好玩又學到嘅,所以去幾多次都唔會覺悶。

今次我地齊齊入嚟參加為聖誕而設嘅「動感科學園地 – 閃亮聖誕狂熱 」~

Picture

係11月20日起連續5個星期日,科學園推出「動感科學園地 – 閃亮聖誕狂熱」。當中包括一系列以「光與熱」為主題的科學實驗及工作坊,營造一個獨一無二,並富有數理科技教育元素的閃亮聖誕~
Picture

由於聖誕節就到,所以就會以好多聖誕為題工作坊適合4-6歲以上小朋友,所以都應該好啱小小豬玩呀~
Picture

急不及待嘅小小豬就已經去玩第一個工作坊「如果實驗室」~
Picture

其實係做啲咩實驗?哈哈哈…依個工作坊最主要都係光嘅吸熱同散熱原理,利用一啲報紙、錫紙、黑畫紙嚟做一個自制焗爐。

小小豬係老師嘅協助同教導下,都好似做得有文有路哦~
PicturePicture

Picture

完成埋最後一個步驟,小小豬牌嘅焗爐就完成啦~
Picture

不過由於我地係室內關係,所以我地就唔可以即時做到個實驗,睇老師示範時真係可以將一片朱古力焗溶呀。

之後小朋友就利用唔同嘅化學特性去做冷熱敷墊,即時感受水係唔同情況下嘅冷熱變化~
PicturePicture

第二個工作坊就係「黑白科學聖誕」~
Picture

首先我地就利用石膏粉同埋水去做一個屬於自己嘅聖誕掛飾,當中就讓小朋友認識釋放能量 (熱力) 的過程~
Picture

PicturePicture

Picture

就等聖誕花凝固時,就做另一個活動,就係利用螢光筆及黑色畫紙,於沒有光線環境下,繪畫一張會發光聖誕咭,從而教導小朋友紫外光的特性及原理~
Picture

有得畫小小豬緊係非常滿足啦,又好一張字多過圖案嘅聖誕咭~
Picture

說時遲那時快,聖誕掛飾又凝固好,我地可以帶返屋企佈置啦~
Picture

第三個工作坊就係「聖誕變色杯與百變黏黏貼」~
Picture

依個工作坊可以話係學到最多科學原理嘅其中一個,首先就係將色素分別漏落冷熱水中,睇下佢地嘅形狀轉變~
Picture

Picture

哈哈哈…小小豬自告奮勇咁做最重要一環,拎開個隔欄睇下有咩變化先~
Picture

由於冷熱水密度唔同,所以佢地係唔會混埋一齊呀~
Picture

之後小朋友就觀察物質係冷熱水中嘅顏色有咩轉變~
Picture

Picture

嚟到小朋友最鐘意一環,就係齊齊利用唔同物料整暱稱「鬼口水」~
Picture

依個小小豬見到都不知幾鐘意,不停係度搣,仲好ENJOY咁呀~
Picture

學完好多科學原理之後,大家就齊齊利用遇熱變色嘅顏料去設計變色聖誕杯啦~
Picture

PicturePicture

第四個工作坊就係「光之聖誕樹」~Picture

工作坊主要都係透過聖誕樹嚟整教導小朋友LED燈嘅發電原理~
Picture

其實初時我見到都有一點點驚訝,見到成個製成品好似好複習咁,好怕小小豬唔可以完成到。不過係導師一步步咁耐性地教小朋友,原來都唔係好難,小小豬都跟得到(當然間中都見有導師幫佢啦),仲做得幾專心添~
PicturePicture

Picture

完成啦….個傻豬仔仲千叮萬囑我唔準開燈,要留返聖誕日先可以亮燈哦(但…其實係可以換電芯哦…哈哈哈)~
Picture

最後一個工作坊就係「幻彩泡泡燈」~Picture

依個工作坊就係我最鐘意嘅一個,因為我係好鐘意望啲泡泡係樽入面上下流動,望住怇地慢慢飄流,感覺都真係好輕鬆呀!

首先就利用水加上食用色素用閃粉做泡泡燈嘅低層~
Picture

PicturePicture

然後再倒入食油變成第二層,由於水及食油嘅密度唔同,所以兩者係唔會混合,我地亦都係可以得而作出觀察~
Picture

係燈光照射下的食用顏料與汽泡產生萬化,其實都真係好靚,唔止我…就連小小豬都好鐘意睇呀~
Picture

其實仲有一個工作坊「閃閃聖誕樽」,因為時間關係,所以小小豬就唔可以參加,不過唔緊要,因為小小豬今日行程都已經非常豐富了~
Picture

主要係透過製作會閃閃發光嘅聖誕樽,認識LED特性和如何組合使用LED,配合 “Bread Board” 運用,讓LED發出閃耀光芒~

Picture

Picture

玩左大半日小小豬都仲未夠,見佢今日參加工作坊又做得幾好,所以就俾佢去「活力彈床」嚟個小放電啦兼獎勵下佢啦~

Picture

Picture

其實今日小小豬嘅表現真係唔錯,好多工作坊佢都係自己一手一腳去做,唔使我點樣幫佢,見佢仲做得好投入又用心添。睇見佢今日表現都有少少欣慰,唔通返咗小學真係唔同啲?

不過亦都因為小小豬好多都係自己做,佢對工作地嘅滿足感大大增加,仲問我幾時會再嚟,佢話下次一定可以全部自己做添(呵呵呵…聽住先啦)

不過入嚟科學園玩工作坊又真係唔錯,嚟緊仲有三個星期日會舉行,大家有興趣都可以去Cityline 購票通購買工作坊門票。部份門票於活動當日於科學園即場發售,開售時間為中午12時。不過門票有限,售完即止呀!

 

 

More Information :
日期:11月20及27日,12月11及18日:香港科學園三期12W大樓
12月4日:香港科學園二期10W大樓 (浚湖樓)
時間:下午1時至6時
Website:https://www.hkstp.org/hkstp_web/zh-hk/Events-calendar/?Alias=vibrant-science-academy-shiny-christmas-fever

Facebook:https://www.facebook.com/HongKongSciencePark

 

BY 小小豬的成長日誌
Picture

 

更多精選內容