BBs居家小手肌同眼睛嘅小練習: 魔術貼 又可以認識唔同嘅顏色, 簡單方便大家都可以做到

BBs居家小手肌同眼睛嘅小練習: 魔術貼 又可以認識唔同嘅顏色, 簡單方便大家都可以做到

相信大家都知道魔術貼係將兩塊布合埋同分開嘅裝置,佢係由兩塊尼龍布所組成,你會見到一面有好多細小嘅勾勾,而另外一面就有好多好似圈圈咁嘅野,而只要輕輕力就可將兩面黐實埋一齊,相反如果要拉開就需要用多小小力啦。

孖媽今次就買咗7種唔同顏色嘅魔術貼,每色公乸兩面各一碼。我就先將一碼cut開一半, 之後公乸兩面各分成2段。每次玩時兩兄弟都可以每種顏色一人一條,咁就唔洗爭啦~

好處之一當然係可以教BBs認顏色啦,第二就係反覆開合魔術貼有助訓練BBs手眼協調同埋可以鍛煉小肌肉 。因為做開合呢個動作可以刺激小手肌的靈活,從而鍛鍊小手肌做出更精細動作嘅發展。

Caydan Ramsey都好喜歡,我用一個袋裝起各色嘅魔術貼。

孖寶一見到個袋就已經好開心啦~

只要簡單買好各色一對對嘅魔術貼剪好就可以了,絕對係又便宜又方便的培訓手作呀,重點係對小朋友嘅小手肌同小眼睛都有幫助,例如手眼協調、小手肌運用、自理訓練、仲可以做配對練習。

大家居家都可以做到。不妨試下呀!

我和孖寶的Facebook Page:荔枝與孖寶

我和孖寶的 Instagram IG#:laichimama

 
If there is any question or you looking for me and the boys, please feel free to contact LaiChiMaMa via Email:[email protected]

更多精選內容