車婉婉高齡懷孕 原來計錯排卵期3年|媽媽唔易造

車婉婉高齡懷孕 原來計錯排卵期3年|媽媽唔易造

年過40想生BB的女士,千萬不要放棄,近年不少40歲以上的女藝人紛紛誕B,最新一集《媽媽唔易”造”》中,請來車婉婉講述高齡懷孕的經過。車婉婉2013年與中澳混血兒Johnathan拉埋天窗,一直有意生BB,但原來一直搞錯排卵期,錯失了多次機會,加上醫生告之其懷孕機率處於極低水平,兩人都打定輸數。

車婉婉
車婉婉參加最新一集《媽媽唔易”造”》。

車婉婉坦言因身體虛弱,一次食錯嘢嘔足成晚,血壓低到離譜,下壓僅47,留院期間不禁自問:點解發生喺我身上呢?不過絕處可逢生,出院後車婉婉戒掉飲食壞習慣,更找中醫以食療調理身體,就在上天安排下,車婉婉在41歲時自然懷孕 ,原來小生命在她調理期間奇蹟降臨。得來不易的BB,令車婉婉的情緒起了180度變化,當聽到有媽咪找不到孩子心跳、小朋友斷手指等,都會立即身同感受而流淚。「就算見到細隻嘅嘢,即使狗仔、貓仔都覺得好得意,覺得所有生命都好amazing。」

 

撰文:Ling
攝影:Killy Sung(部分相片由受訪者提供)
整理:Kayla
化妝:[email protected] Up Image Production
髮型︰[email protected] Culture
服裝: Vien ●場地: Spring(Tel: 3465 5000)

車婉婉
車婉婉曾被醫生告之懷孕機會極低,但依然成功自然懷孕,她勸告想生BB的高齡女士切勿放棄,數字可以參考,但並非全對。「大家唔好俾『高齡』呢個term增加自己壓力,我細佬同我講咗句:enjoy pregnancy!媽咪太緊張,BB都會feel到,呢個經歷可能人生得一次。」

計錯三年排卵期

「唔係啩?又話好高齡嘅?」車婉婉得悉有孕的一刻,反應極大,感到難以置信,更認定是奇蹟來臨。「我咁虛弱連自己都照顧唔到啦,仲整多件!」當時車婉婉的經期遲來一個月,出院後依然感到疲累不堪,以為與身虛有關,沒有理會,直到友人質問並送上驗孕棒,一驗之下果真顯示︰pregnant!之後告訴老公,啪一聲放條驗孕棒在他手上,老公當場嚇呆!

兩人婚後一直有意生BB,因Johnathan好喜歡小朋友,但大懵的車婉婉一直計錯排卵期,浪費了三年光陰。「對於排卵期我搞到亂晒籠,成日都唔知幾時先係正確時間去造人,原來我一直都係錯,最近我做body check見咗個婦科醫生,佢就話俾我聽幾多日、幾時先係排卵期。嘩!過去40年我嘅Biology唔合格係有原因嘅!我哋一直順其自然咁去嘗試造人,原來等於無嘗試過!」

車婉婉
當時懷孕五個多月的車婉婉,肚皮脹得好快,終於感覺自己是孕婦,「個感覺突然間hit到我,因為個肚好澎湃,個BB存在感好強。」

產檢心情似坐過山車

已到達40大關,兩人再諮詢醫生意見,踏出診所已打定輸數,「醫生話我個數字喺無乜機會嘅幽谷,即係喺嗰啲圖嘅低比率地帶。我先生問過醫生好多問題,尤其係40歲生出嚟嘅小朋友會有咩問題,因為過咗40歲好多問題嘅機率會爆升,而懷孕機率就爆跌,所以佢都俾醫生講到好謝吓,咁我哋都做緊心理準備我哋係唔會有小朋友。」

車婉婉放下一切包袱,以輕鬆的心態享受二人世界之際,好消息就降臨,但隨之而來就是更多的擔心,怕高齡媽媽的小朋友會有問題,「每次產檢個感覺好似坐過山車,等結果嘅心情好忐忑。」

車婉婉
在車婉婉期間,老公每次出門口會看她有冇着高踭鞋,出街食飯又俾老婆話晒事, 「佢成6呎3要食飽肚嘢,我要佢陪我食串燒佢都肯,唔夠佢飽㗎,咁已經好偉大㗎喇!」

老公最驚生女

除了BB的健康之外,最令Johnathan害怕的竟是怕生女!車婉婉笑說︰「佢係驚慄!當佢知道我有咗嗰陣,佢去祈禱,話千祈唔好係女。因為佢覺得女要擔心好多嘢,仲話要綁住個女喺屋企,因為「啲boys好曳」,我諗啲爸爸係有呢啲擔心嘅。」女兒是爸爸的前世情人,男人應該恨生女?「鍾意啫,但係好多嘢擔心囉。生仔又有另一樣嘢擔心,怕佢撞親、又怕佢打交,仔比較粗暴活躍啲,不過仔女都係一個祝福,最緊要健康。」

其後,車婉婉公佈自己陀B仔,但原來佢哋都唔想知住!因他倆想保持一點神秘感,「我哋唔想知住,而且身邊朋友好鍾意講『你塊面係咁一定係仔』、『你皮膚咁樣一定係女』,我好鍾意聽呢啲,覺得好有趣。」

車婉婉
見證過父母婚姻失敗,車婉婉一直不相信婚姻,直至遇到中澳混血兒兼游泳教練Johnathan,豐富了她的生命,2013年兩人拉埋天窗。

母愛氾濫變喊包

懷孕後,車婉婉驚覺自己不期然母愛氾濫起來,小小事都好易喊,她記得在懷孕初期,第一次感覺情緒變化是聽到朋友的懷孕朋友告之,找不到BB的心跳,她聽罷竟然哭起來。「我依家講番都就嚟想喊,當時朋友唔知我懷孕,佢見我喊都呆咗。因為身同感受好強烈,明白係好擔心,我就話俾朋友知我都有咗BB。」

第二次是老公一句說話,令車婉婉覺得好委屈,眼淚如泉湧般流個不停,「我好忟憎,我衝入廁所諗住沖完涼離家出走,好黐線,之後沖完涼、洗埋頭出嚟仲不停喊,終於我要祈禱幫自己冷靜,我老公呆咗望住我,『你做咩?我喺呢度。』我講唔到嘢,我要冷靜。其實我一向唔係咁嘅人,比較樂觀,就算喊都唔會喊咁耐,應該係懷孕嘅荷爾蒙影響咗我。」

車婉婉
當年車婉婉雖是新手媽媽, 但滿有湊B經驗,因她有兩個哥哥,一個弟弟, 全部有小朋友,兩個哥哥生了五個女、弟弟有一個仔,車婉婉都有幫手湊過。

皇天不負有心人,車婉婉在2017年3月順產誕下重8磅9安士混血B仔Justus,乳名BBQ,兒子眼大大似乎較似媽媽。車婉婉表示誕下兒子後令她更覺母親的徫大:「自然分娩係一個非常艱巨嘅過程,亦令我非常尊敬各位媽媽。」

車婉婉

車婉婉

車婉婉

做嚴母迫學好中文

對於教育方面,車婉婉已決定要教好BBQ的中文,因自小不學好,愈大愈難學,不想小朋友是一個只滿口英文的ABC。「我好唔贊成淨係講英文,因為英文太容易學,相反中文如果細個唔pick up,以後都會唔識點寫,中學先去學『人、口、手、大、小』?我覺得係好大件事。」

車婉婉自小在中文學校成長,仍無損她的英文程度,現在更與混血兒老公講英文溝通。她覺得英文好易學,細個應重點打好中文底,由父母身教開始,再從學校學好中文寫作。「我想佢識寫中文,要返學先學得好。香港依家識寫中文文章嘅人愈來愈少,小朋友有中英文background嘅家,點解唔好好咁講中文呢?我老公都好贊成,我哋夾咗佢同小朋友講英文,我同佢講中文,佢唔用中文答我係唔會應佢。呢方面一定要嚴,我係為佢好,唔迫佢係唔會講,屋企個身教係好重要。」

車婉婉
車婉婉仍有找中醫調理身體,中醫介紹飲 蘿蔔煲鰂魚湯、杞子煲瘦肉等,是比較 正氣的湯水。「我唔知夠唔夠補,但我 覺得都養到自己肥肥白白啊!」

必學一生一體藝

車婉婉更希望栽培BBQ學識一種運動、一種音樂,用以培養興趣及專注力,「我老公係游泳教練,一定會教佢游水,亦係求生技能。好似游水你一跳入泳池,你係無電話,無得打機,你可以好專注去游水。做人其中一個成功之道就係專注,如果小朋友自小培養專注力,對佢將來有好大受用。」

近年好多報道小朋友承受不了壓力自殺,車婉婉覺得如果小朋友有嗜好,就可以利用嗜好為自己減壓。「呢方面我一定會努力做好,發掘佢嘅興趣,如果佢有興趣游水,就栽培佢游水;佢想打波,就由佢打波;佢比較靜態想玩音樂又俾佢玩囉,總之一定要幫小朋友搵到興趣。」

車婉婉
車婉婉笑言想請唐伯虎教小朋友十八般武藝。
車婉婉
受母親影響,車婉婉希望做一個嚴母,除了教好中文之 外,更需培養小朋友成為一個有道德、有紀律的人。

更多精選內容