BB鞋

超治癒 BB鞋 打造潮流小BABY

熱話

廣告

聖誕節的例牌節不外乎送禮物、食餐好、再飲酒唱K狂歡直落,但這些只不過是廿來歲的年輕人節目,如果你如筆者般,已經厭倦這種花天酒地的節日例牌環節,倒不如約齊三五知已在家中打個邊爐或者燒嘢食,玩吓狗過聖誕,倒是一大樂也。更何況工作時間佔去人生大部分時間,身邊的「早熟」朋友亦做到三年抱兩,試想在家庭派對中,你追住小朋友玩;小朋友又追住隻狗;隻狗追番你轉頭,其實都幾溫馨。大時大節同大人玩交換禮物已經沒有太大意義,倒不如將心意承傳下一代,加上親子裝大行其道,信我!揀 BB鞋 時你自己都會開心埋一份。

text – kiki photo – NIKE、網上圖片

着住親子裝行街比起情侶裝有更溫馨的感覺,難怪今時今日在街上不難見到親子裝出現,尤其是Sneakers潮爸潮媽,更加把孩子們打造成一身潮童,BB版AJ已是一眾的潮流指標之外,就連MD Runner 2、Roshe one、NIKE Free等也有一份可愛感。然而初買學行鞋要選擇軟皮中底,到長大一點曉行曉跳就要選擇厚得來又易屈曲的鞋款,所以說現今的BB鞋除了可愛有型之餘,實用性同樣着重。

親子鞋精心之選

NIKE FREE RN (TDV)
鞋身用上耐用合成皮及織物鞋面,穿着舒適兼耐用,而且Free底的彎曲坑紋設計,可帶來更自然的動作幅度。

NIKE ROSHE ONE SE (TDV)
織物鞋面帶來舒適承托效果,中底用上耐磨窩夫格紋,抓地力超強,啱晒好動BB喺公園玩。

NIKE MD RUNNER 2 (TDV)
結合網眼布鞋面和輕巧的緩震中底,鞋款夠晒經典

NIKE ROSHE ONE HI (TDV)
要去寒冷的地方旅行,Roshe One Hi(TDV)抗水鞋面有助保持雙足乾爽,而且側面有魔術貼更加方便穿脫。

巴塞主場嬰童足球套裝

嗱,今次就到波牛爸爸喇,BB版巴塞波衫同大人版一樣用Dri-FIT物料,有助保持乾爽舒適,另外褲頭有彈性腰帶,既貼服又可穩固定位。

AIR JORDAN 3 RETRO OG
大個少少仲有AJ3 OG,復刻得有幾元祖唔多講,Size由3.5Y至7Y都有!即刻媽媽都可能啱着喎。

售賣點:NIKE online store