燉雞汁

專業孕媽媽 葉翠翠 燉雞汁 養生無難度

熱話

廣告

2005年港姐冠軍 葉翠翠 在11月初宣布與建築師老公周曉東造人成功,現懷孕五個月。身為準媽媽的翠翠決定停工安胎,早前《Sunday Kiss》就同翠翠做咗嗰Facebook live,翠翠分享咗自己陀B食療,除咗教大家 燉雞汁 嘅方法之外,仲分享咗其他喺懷孕期間嘅飲食習慣,非常有心得。

 

撰文:Sunday Kiss
圖片:葉翠翠Facebook,微博

錯過咗live嘅朋友,唔緊要,如果想睇足本重溫,可到(直播重溫)。以下節錄咗一啲網民向翠翠嘅提問,齊齊睇吓佢點答。

 

肥咗先有壓力

1 成日睇住個體重會有壓力嗎?

答:唔會呀,肥咗先有壓力!我每朝飲雞汁,雞汁唔油唔肥,有好高蛋白質,幫助身體補充返每日所流失嘅微量元素。而我亦會食其他營養補充品,例如葉酸,可以幫助BB嘅腦部神經發育,懷孕頭三個月係腦部神經同身體發育嘅黃金時期。鐵質和鈣質都係孕婦需要補充嘅營養,生咗BB之後,媽媽就無咁易殘。

適量進補 不怕上火

2 點樣自己整雞汁?

答:懶惰嘅方法係可以買市面上嘅雞汁,無脂肪,高蛋白質,無雞油。另外,我亦都會自己燉。我會準備燉盅,放個蒸餸嘅隔,燉盎入面唔好擺水,我會用一隻雞,先將雞出水,然後砍件放上隔,好似蒸雞咁樣,燉三個半鐘之後就會燉出雞汁。之後同一雞件再用兩碗鮮奶燉一個鐘,可加入花膠。相信一定會有朋友問會唔會上火,補同燥係兩件事,只要唔好過量,一星期一次或兩次係冇問題嘅。就算係熱體質嘅人,都需要進補,只係次數多或少嘅分別。

面色紅潤 全靠煲湯落藥材

3 孕婦唔食得藥材?

答: 有朋友話我知孕婦煲湯唔應該落藥材,她並不是無道理,鹿茸、山楂當然不能夠落。但一啲益氣、補氣、平氣的藥材,例如黨參、杞子等,其實係適合孕婦飲,咁當 然唔係落一斤咁多,平時煲湯落少少。可能我平時飲得呢啲湯多,我落晒妝個樣其實都好精神、面色紅潤,都係靠平時依啲微量嘅野幫手。

推介孕媽食益生菌 改善便祕

4孕婦要戒口?

答: 孕婦要戒口,我唔食牛、羊。中醫話海鮮類,例如蝦、蟹、甲殼類或辣嘢盡量少食,因為會容易令BB有濕疹。但如果少份量海鮮都可以食,因為海鮮容易有毒素。 我會建議孕婦可以食益生菌,益生菌有兩個好處。第一,因為媽媽懷孕期間容易因荷爾蒙而出現便祕情況,益生菌可以改善情況。第二,益生菌可以提高BB的免疫 力,減低出現鼻敏感和皮膚敏感嘅情況,所以我懷孕第二個月開始就有食益生菌,已經無左便祕嘅問題啦!