台灣文青風的親子遊戲館全公開 內藏德國製的Hape玩具: 木樂地大安館 在地人喜愛的親子遊戲館

台灣文青風的親子遊戲館全公開 內藏德國製的Hape玩具: 木樂地大安館 在地人喜愛的親子遊戲館

岩岩過左的Xmas我地帶住孖寶沖出香港, 2打2真係好累呀! 所以我地都無咩plan行程, 就去我們之前熟悉的地方帶孩子遊走. 沒有去旅客必到的景點, 反而是帶著孩子去我們之前留在台灣感覺舒服自在同喜歡的地方. 讓他們先感受一下在地人都喜歡的地點.

咁當然唔小得去適合孖寶玩的地方啦, Hape木樂地大安館係溫州街的巷弄中,基本上都係在地人先會去的. 唔同台灣大樹先生咁6成以上都係香港人去玩.Hape大安館除左我地4個之外, 其他都係台灣的地道人呀! 真係一家環境舒服的親子館!!!

大家如果搭捷運的話可以去到台電大樓站, 由2號出口步行大約9分鐘左右就找到. 而我地就係由大安森林公園捷運站 (台北捷運信義線)出的, 因為我地想帶孩子去公園玩玩, 由這裡行大約都是10多分鐘左右. 沿途都好舒服的, 慢慢走真係感覺到自己充滿文藝氣息, 比古老建築和綠樹包圍住, 又真係幾寫意.

大家要留神呀, 不要錯過呢個低調的Logo牌呀! 孖媽真係好很喜歡呢坐前身作為台大校舍的超過八十年歷史的日式建築.

Hape木樂地大安館令古蹟可以活化再用, 重新裝修之後就好像賦予呢棟古老日式建築新生命咁, 置身係呢度真係令人感覺沉穩又舒心.

好啦, 入去啦!

大家記住呀, 進入室內係需要除鞋, 同埋大人or小朋友都一定要著襪呀! 如果真係唔記帶襪的話呢度都有得賣嘅! 一入去左右兩面係鞋櫃同儲物櫃, 都係木製的! 大愛…..

手袋可以呢度, 不過當然貴重物品自己隨身攜帶就好d囉!

進入遊戲區前大人細路都要手消毒雙手呀, 好喜歡一入去全部都係木質地板同埋由木頭打造Hape玩具的環境呀!



Hape木樂地大安館可以算是劃分為五個空間, 大廳係全開放式的空間. 好多唔同種類的玩具分門別類咁放哂係度. 呢度的木玩具都有經過磨砂處理, 唔洗怕會’’吉’’親BBs對手的.

孖爸好喜歡木製的小車, Ramsey都好喜歡!

而且係館內唔同的圓柱上都會見到嵌入咗好多木頭遊戲教具, 既可以訓練小朋友的手部小肌肉發展, 又可以比小朋友發揮創造力的玩具! 其實呢度的空間唔算太大, 但我有問過店員, 原來每個時段場次都有限制入場人數的, 所以孖媽還是覺得蠻舒服的!


呢個大規模由的積木組成的城市列車係孖寶的最愛呀!

消防站都有呢~

孖媽真係第一次見到咁多Hape的遊戲教具, 之前只係買過抓板比Caydan Ramsey玩! 沒諗過原來Hape的遊戲教材係咁多元化~

今次真係大開眼界呢!!!

呢個架上放置咗Hape木樂地大安館限定販售的DIY系列, 4歲以上小朋友岩玩,原價要NT 600-700的, 係度買全部都係NT199, 好抵呀, 我地都買咗一組送比表哥仔!

音樂區就係孖媽的最愛.

孩子都好喜歡呀! 有鋼琴/木琴/小鼓/吉他/手搖鈴應有盡有.



佢地仲有個空間係適合兩歲以下的小Baby, 地上鋪了軟身的遊戲墊同好多適合BBs玩的玩具, 不過孖寶似乎更喜歡其他area!


另一個孖寶好喜歡的area, 就係小廚房呀, 有各式各樣的扮家家酒玩具. 就連BBQ烤肉爐和食材架都有, 而且全部的食材櫃都係木製作, 好得意! 而且用具都好像真呢!


仲有收銀機/卡機/計數機, 真係好似係超市咁~

無論你想要英式下午茶定係朱克力鍋, 還是ice cream你都可以係度搵到!

兩個小人係度真係好似好忙碌咁喎!


另外旁邊仲有呢個適合四歲以上小孩玩的彈珠軌道, 孖寶就唔岩玩啦~

提提大家彈珠需要去櫃檯問工作人員拎架.

仲有 仲有 呢個玩沙區, 沙坑旁有一個小滑梯. 不過呢度就算玩沙都係要著住對襪的呀, 旁邊有噴槍可以清理身上的沙都算幾方便的!


沙區旁就係Hape Cafe啦, 不過呢沙區同遊戲區係唔相通的, 如果又要邊飲咖啡又要睇小孩呢, 就要每次都由正門口繞返入去遊戲區, 呢點真係比較麻煩.

其實大家亦可以同小朋友係遊戲區玩完之後, 去cafe休息下, cafe旁邊有玩具比小朋友玩的唷!

Café有兩間親子廁所及一間哺乳室, 而哺乳室裡面有換尿片檯同一張單人sofa.

而Café的輕食同飲品, 賣相同味道都ok呀~

Hape木樂地大安館是我目前去過最喜歡的一間親子館,可能因為孖媽一直都喜歡Hape這德國品牌的原故吧, 再加上80年代的日式舊房舍, 既懷舊又有文藝氣息,週邊的氛圍跟這裡的溫潤的木質很配合!

這裡絕對是結合咗日式建築美學的兒童遊玩空間, 不一樣的親子遊玩館 – Hape木樂地大安館, 真心推薦給既喜歡獨特又想有質感的親子館比爸爸媽媽們!

Hape木樂地大安館


地址: 台北市大安區溫州街22巷8號

電話: 02-2366-0388

官網:http://www.hf-kids.com/

Facebook FanPage:https://www.facebook.com/hapetw

木樂地Fan Page: https://www.facebook.com/hapemuledy

Working Hour: 10:00am – 8:00pm(需要先預約的呀)

分四個時段: 10:00-12:00am / 1:00-3:00pm / 3:30-5:30pm /6:00-8:00pm (每個時段2hrs)

收費: 平日400元、假日$450元 (包1大1小,2小時)

我和孖寶的Facebook Page:荔枝與孖寶

我和孖寶的 Instagram IG#:laichimama

 

If there is any question or you looking for me and the boys, please feel free to contact LaiChiMaMa via Email:[email protected]

更多精選內容