懷孕冇戒口 趙海珠 急救囡囡靚樣

懷孕冇戒口 趙海珠 急救囡囡靚樣

回帶到 趙海珠 懷孕第二胎囡囡之時, 趙海珠 頭三個月嘔到七彩,之後陀得好輕鬆,甚至過度放鬆,因忙於湊大仔Hayden(陳彥熹),沒時間照顧自己,除生冷食物外無戒口,凍飲照飲,心裏對囡囡有點歉疚,希望出世後再作補償。囡囡Sonia(陳曉霈)終於今年4月出世,成為珠珠本年度最佳禮物,Sonia大致健康,唯獨一個小手術嚇到 趙海珠 失魂落魄︰Sonia 4個月大時,珠珠發現她生眼瘡,一直不願讓BB受手術之苦的珠珠,試過其他辦法都失敗,最終囡囡整爆瘡流血,最終都要施手術割走,令珠珠心如刀割。此外她延續了食物及皮膚敏感大作戰,Hayden剛打勝仗不再對豬肉敏感,又輪到Sonia對奶敏感,且皮膚乾燥,她帶點自責懷孕沒注意好飲食,令妹妹皮膚差,反而哥哥的皮膚白滑,相信與第一胎有乖乖戒口有關。所以珠珠建議懷孕中的媽咪,必須注意懷孕飲食。

撰文:Ling

攝影:Killy Sung (部分相片由受訪者提供)
化妝及髮型:[email protected] Workshop
場地: comma party(tel: 9735 6464)

踏入雞年,珠珠笑言對兩個小朋友的願望好老土:「身體健康!小朋友開心快樂!全家人身體健康!」這些都是為人父母的最大期望,一點也不老土呀!
踏入雞年,珠珠笑言對兩個小朋友的願望好老土:「身體健康!小朋友開心快樂!全家人身體健康!」這些都是為人父母的最大期望,一點也不老土呀!

趙海珠 仔女皆有食物敏感

趙海珠 兩個小朋友都有皮膚及食物敏感,大仔Hayden最初比較嚴重,對豬肉和麥麩及麥殼蛋白Gluten Gliadin敏感,到細女就對奶敏感,珠珠一直要為食物敏感作戰。珠珠懷第一胎好緊張,戒口好清,亦因口味問題沒有吃豬肉。囝囝出世後約七個月大,身體常出現紅腫一撻撻,像全身被蚊咬,經測試後原來他對豬肉敏感,或者與珠珠不吃豬肉有關。在醫生建議下,Hayden戒食一年豬肉,至約兩歲隨着消化系統及免疫力提升,敏感問題自然消失,現在皮膚白白滑滑,像個靚仔小生。

珠珠做了全職媽媽湊兩個後,大呻湊得辛苦,不打算再生多個了,兩個夠晒數!
珠珠做了全職媽媽湊兩個後,大呻湊得辛苦,不打算再生多個了,兩個夠晒數!

有了第一次經驗,珠珠陀第二胎心情好放鬆,懷孕口味改變令她愛好酸辣,海鮮照食,只戒生冷,結果細女的皮膚比大仔差。「佢三四個月大,就發現佢皮膚好乾,成日都甩皮,有少少奶癬,好似濕疹嘅症狀,睇咗醫生都話佢有少少濕疹。」醫生解釋, BB濕疹好普遍,主要是媽咪吸收得太好,進食種類繁多,有時身體分解不到,引致BB起濕疹。

當妹妹仍在媽媽肚內時,Hayden曾說過:唔想要妹妹!但妹妹出世後,Hayden有180度轉變,覺得有個伴一齊玩,更突然長大了負起哥哥責任照顧妹妹。
當妹妹仍在媽媽肚內時,Hayden曾說過:唔想要妹妹!但妹妹出世後,Hayden有180度轉變,覺得有個伴一齊玩,更突然長大了負起哥哥責任照顧妹妹。

近月囡囡開始食固體食物, 趙海珠 有次見到囡囡身體一撻撻感到好心痛,「女仔我都想佢靚啲呀。」因大仔有前科,珠珠懷疑細女又是食物敏感所致,「醫生講過哥哥有食物敏感,妹妹都有機會,所以佢建議我等妹妹大少少,俾佢試多啲其他食物先做食物敏感測試。」珠珠因為囡囡皮膚較差,近兩三星期才開始餵食肉,之前都以蔬果為主,醫生了解後指囡囡對奶敏感,需轉飲低敏奶粉,情況始有改善。

Sonia一踏入八個月, 除了識叫媽媽,有日更識自己企起身,沒有扶任何東西,珠珠笑說︰「會唔會快咗少少呢?我唔想捉馬騮嘅日子咁快嚟!」
Sonia一踏入八個月, 除了識叫媽媽,有日更識自己企起身,沒有扶任何東西,珠珠笑說︰「會唔會快咗少少呢?我唔想捉馬騮嘅日子咁快嚟!」

細女半歲大割眼瘡

趙海珠 為囡囡的皮膚問題苦惱之際,還發現一個棘手問題,在囡囡四個月大時,其中一隻眼睛突然腫起來,原以為只是衛生問題,清潔過後就無事,怎料幾天後,眼角邊起了一粒小瘡,就像大人生「眼挑針」一樣,而且還愈來愈大……原來囡囡生眼瘡。「醫生有俾藥水藥膏搽,但無效,拖了個幾兩個月後,醫生建議我睇眼科專科,就確認佢係生眼瘡,BB好常有。醫生提議兩個方法,一係熱敷,敷爆佢,膿就會流出;第二就係做手術割除,咁我梗係唔想啦,咁細個BB要佢承受手術、落麻醉藥…… 所以我就揀熱敷。」

手術後,Sonia的眼睛蓋上紗布熟睡中。
手術後,Sonia的眼睛蓋上紗布熟睡中。

網上媽咪group都有好多媽咪分享小朋友生眼瘡的做法,有敷熱雞蛋、敷熱毛巾,但這些方法只適用於早期,亦未必一定成功,最快捷及斷尾方法還是做手術割除,珠珠試用毛巾熱敷方法也失敗。「熱敷後反而結焦,即熟咗唔爆,愈熟愈縮,已經冇谷膿個狀態,變成一粒死瘡咁。」

珠珠懷有細女時無乜戒口,間接令妹妹的皮膚較乾燥及有濕疹。
珠珠懷有細女時無乜戒口,間接令妹妹的皮膚較乾燥及有濕疹。

成大粒瘡影響外觀,更怕影響視力,連囡囡都感到不耐煩,有一晚用手抓到流血,非做手術不可,最終BB都要捱一刀。「醫生話再唔割就有疤,因為已經爆咗流血,始終女仔有疤唔好睇,又驚影響眼睛,所以第二日即刻入院割。」幸好手術成功沒有留疤痕,現只有少少紅,慢慢會減退了。醫生解釋BB正值高速發育時期,所以生眼瘡不足為奇,而眼瘡大多是由脂肪及膿組成,所以也沒有甚麼預防措施,但只要及時治療,就不會有疤痕,家長可以放心。

Hayden現在好錫妹妹,拍攝當日錫到妹妹燶!
Hayden現在好錫妹妹,拍攝當日錫到妹妹燶!

大仔跌斷腳 打石膏兩個月

珠珠自退下新聞及財經界後,轉任DBC數碼電台兼職做財經節目,其餘時間專心湊仔。自DBC數月前執笠後,珠珠更索性轉做全職媽媽,她笑言做全職湊兩個辛苦過返工。「雖然屋企有個工人姐姐幫手,但我想親力親為,依家我主要應付大仔,姐姐幫手湊細女。」

995_sundayfamily_alisonchiu_11
Hayden因玩滑板車高速失平衡骨折,人仔細細就要打石膏兩個月。

Hayden精力旺盛,比較嘈吵,搞到妹妹連晏覺都無得瞓,「我日日都要帶佢出去放電,放到我自己都冇電!」Hayden有次玩滑板車(scooter)放電,因高速失平衡骨折,要「打石膏」差不多兩個月,打完石膏還要重新適應兩條腿走路。單是應付仔女的健康,珠珠已經忙到一頭煙,更不會考慮再生多個,湊兩個已經夠忙了。

妹妹在四個月大時生了一粒眼瘡,更愈發愈大粒,珠珠好驚她留疤痕,又不忍心她捱一刀做手術,結果妹妹抓到眼瘡流 血,被迫做手術,現在已大致康復,紅印已慢慢減退。

妹妹在四個月大時生了一粒眼瘡,更愈發愈大粒,珠珠好驚她留疤痕,又不忍心她捱一刀做手術,結果妹妹抓到眼瘡流血,被迫做手術,現在已大致康復,紅印已慢慢減退。
妹妹在四個月大時生了一粒眼瘡,更愈發愈大粒,珠珠好驚她留疤痕,又不忍心她捱一刀做手術,結果妹妹抓到眼瘡流血,被迫做手術,現在已大致康復,紅印已慢慢減退。

哥哥呷醋變糖黐豆

Hayden與Sonia年齡相差3年,習慣了獨霸父母的Hayden,得知媽媽懷孕時,曾揚言「我唔要妹妹!」不想妹妹分薄了父母的愛,令珠珠花了許多時間教導,透過書本去講解,更求助老師幫忙,幸好自妹妹出世後,Hayden對妹妹的態度有180度轉變。「佢成日走埋去錫妹妹,妹妹都感受到,成日都黐埋去哥哥度,一見到哥哥講嘢就笑。」不過,如果妹妹搞他的玩具都無情講!「佢玩緊嘅時候妹妹去搞搞震,佢都會粗魯地一手推開妹妹o架!」珠珠相信兩兄妹長大一點更好玩,應該會相處融洽。

妹妹最鍾意同哥哥玩,一見哥哥說話就笑,對哥哥最黐身。
妹妹最鍾意同哥哥玩,一見哥哥說話就笑,對哥哥最黐身。

好多媽咪都遇到哥哥或姐姐呷醋的情況,珠珠覺得當BB仍在肚裏時,哥哥或姐姐未了解是甚麼一回事,到見到「實物」才明白。「佢知道有個BB喇,仲要日日同佢一齊生活,就開始知道點相處。同埋當妹妹對佢有反應,佢就好開心,不停要同妹妹玩,而家佢仲提議我生多個BB俾佢玩!」

更多精選內容