推介台北 三池合一的英倫風 親子餐廳 : Mr Tree Station大樹站

推介台北 三池合一的英倫風 親子餐廳 : Mr Tree Station大樹站

親子餐廳 大樹先生的家在台灣親子界爆紅! 其實不止台灣,連香港的大樹先生的家都是爆紅。 所以在台灣造就了姊姊店「大樹站」的出現。


「大樹站」的三池合一設施其實係孖媽最讚賞的,而且佢地堅持以孩子的角度出發, 用上可飲用水連接玩水池。而波波地亦會定時消毒同換波。沙池亦都係用Golf場使用的高級沙,好幼細的呀! 再者食物亦都遷就左小朋友的清淡口味,而且亦很軟身的,貼心程度真係令孖媽甘拜下風!


我同店員傾計,佢地話呢度有6成的客人都係其實香港來的呀,只係得4成左右係台灣在地人。

呢間shop的設計就好似英國地鐵站咁,大大個圓型Undergroundo Logo,你一眼就會認得出,唔洗驚搵錯鋪頭找不到哦!

呢排的樓梯真係有小小令我以為自己去咗倫敦的Metro站。

入口的右手邊有BB車的停車場!

遊戲區限定六歲以下小朋友使用,一日分三場,一場Around 2.5至3hrs,原本以為時間好夠,但一轉眼就已經去到清場時間了!

我們今次係晚餐時間去,6點未夠就去到,等開門中!

呢度的用餐區同遊戲區係分開的,地方都幾大的而且仲有好多座位,

我們先讓孖寶玩一回, 之後孖媽去點餐,到食物差不來要來的時候就要先bye bye 玩具,乖乖坐定定先專心把飯都食好啦。

唔單上佢地主打嘅三池厲害(水池/球池/沙池),其實遊戲區內嘅玩具嘅都好厲害呀!

大家要留意呢度的設施係限六歲以下的小朋友玩耍,需要除鞋,而大人就要著襪,記得帶襪呀!

水池好貼心咁設有比小小B的水池專屬座椅,而且佢地係用上可飲用水連接水池,就算小朋友真係玩到飲咗都無有怕呀! 有得比小人玩水、玩波同釣魚唷~

水池設計有D似一座花園,有個外圈是比大人同小朋友放鞋處,而同行的家長亦可坐一旁照顧小人。水池旁邊有防水圍裙仔,BBs可以著上去就會濕小d。

如果可以記得幫小朋友預備多一套衣服,因為唔單止呢個水池會好容易整濕D衫,另外沙池亦都會有機會整到D衫有沙喔!

而在花園水池旁就是【0-24個月Baby專區】,入面有小屋子、小滑梯、小鞦韆、遊戲枱應有盡有,BBs應該可以係度玩一排打發一下時間。


重點的火車波波池真係太棒了吧~入面有好多波波,而且有足夠的空間可以比小人玩個夠啦。

Mr Tree Station的波波係特製架,佢地會定期用洗波波機去清洗,唔講可能你唔會留意每個波波都有”大樹”的字樣呀。

而呢d 8cm的特製波波,連大人的重量都可以完全撐起。波波池真係令佢地玩得幾開心呢。

大樹站首創每3個月就會更換全部的波波,我見佢地最近的消息好像都換成了半透明的金色波波池呢!

只要沿著樓梯上就可以到去火車啦,之後就可以玩滑梯,家長小心睇住小朋友玩滑梯啦!

雖然我家兩個都是小男生,不過都分享下呢度有個女仔應該會超喜歡的area,內有Mother Garden的梳妝台,d女仔通常都好喜歡扮媽咪化妝,係度就可以自己試下玩化妝啦!

而且仲有好多可愛精緻的木製廚房玩具,家家酒呢樣野其實唔係女仔先like, 我家Caydan Ramsey兩個小人都好喜歡玩的呀。


真係有好多款廚房系列,購物車就比較女性貨一點啦,呢位台灣姐姐玩得幾開心。

旁邊仲有好多組Kidskraft公仔屋小小世界,不過2兄弟似乎興趣不大。

男生嘛,都係喜歡玩車,呢組城市小車系列就真係岩哂佢地啦。

2個係呢個area玩到唔願走呢!

呢度又動又有靜,喜歡的亦可以坐下來畫下畫。玩下磁石,發揮創意。


而我地去當日呢,呢個大笨鐘沙池就係度保養緊無開放,相信好多小朋友都會喜歡玩沙池,孖絲見到入面有好多玩沙場的工具,這獨立area,有玻璃阻隔,可以避免d沙流到去其他遊戲區。還是很貼心呢!

再者沙池旁邊沖洗區,玩完沙就可以即刻沖洗乾淨。

2個小人走來走去,真係忙個不停呀!

明明係去親子餐廳,差d唔記得同大家分享一下食物呢,因為孖媽之前係網絡上丁預約,已經先預付了一大部份,因為先預付4個人的話可以送一客薯條,亦可以有優惠價換大人的套餐組合。

前菜salad

濃湯都幾好飲,應該係同小孩餐的湯一樣的

2個main course,賣相都ok呀,食物可以,絕對會比香港的大樹先生好食好多


2杯飲品

我們點了一份兒童餐比孖寶兩個share

座位同遊戲區中間有一個洗手盆方便大家,唔洗走到去老遠的洗手間洗手!

仲有兒童餐具、醬料同埋水都係自助式,小人都可以自己動手學習一下自理呢!

而餐廳的廁所都算乾淨的有幾間,但係只有一間是親子廁所,裡面有大馬桶、小馬桶仲有換尿布枱喔! 亦有哺乳室提供。

廁所外的洗手盆有兩個,一個高一個低,方便小人自己洗手。

整體而言Mr Tree Station大樹站的設施真係幾吸引人嘅, 絕對無沒讓人失望。

如果想去的話提議大家都先訂位喔,因為真係幾hit,我地係台灣online經 網站EZTABLE 簡單桌訂位同預付的。

大樹站的英倫風設計的遊樂打造出一個好好嘅環境,除咗有獨特風格之外,佢嘅空間都算幾舒適乾淨,仲有服務人員幫手望下小孩,相信大人細路都可以在這餐廳度過愉心的時光。

Shop Info:

FaceBook:大樹站 Mr Tree Station – 學齡前親子餐廳

電話:02-2377-8377

地址:台北市安和路二段83號( 捷運信義安和站1號出口步行約5~8分鐘)

營業時間:a. 中餐11:30-14:30 / b. 下午茶15:00-17:30 / c. 晚餐18:00-21:00

價格:

-六歲以上低消NT$180 + 10% 服務費

-六歲以下清潔費NT$150 (平日) / NT$180 (週末和例假日)

*清潔費為室內外遊戲區清潔和安全維護需要,清潔費不抵任何低消!

我和孖寶的Facebook Page:荔枝與孖寶

我和孖寶的 Instagram IG#:laichimama

 

If there is any question or you looking for me and the boys, please feel free to contact LaiChiMaMa via Email:[email protected]

更多精選內容