陳敏之

靚媽陳敏之FB自爆 過「爆喊塞乳」生日

熱話

廣告

昨日(17日)生日的「索腿天后」 陳敏之 剛剛踏入38歲,敏之去年七月時宣布為老公雷偉信陀B仔四個月,之後全面停工專心安胎。直至去年12月20日冬至晚上,敏之在老公陪同下入院開刀產子,誕下7磅11重的長腳B仔雷子樂。不過令人羨慕的是,敏之由懷孕到現在,樣貌及身材都完全沒有走樣,仲好似靚過以前咁!日前敏之在Facebook開live,除了分享湊B軼事,更自爆過了一個「爆喊塞乳」生日!

撰文:Sunday Kiss

圖片:Facebook、微博

敏之在去年冬至晚上,在老公陪同下到跑馬地養和醫院開刀生B,十多小時後宣布誕下7磅11重B仔,母子平安!另外由於B仔是在冬至出生,所以她搞笑地為兒子改名為「雷冬至」。不過冬至當然唔係真名,真名其實叫雷子樂,敏之解釋呢個名字:「希望我們的兒子快快樂樂!」相信亦係為人父母者最大的期望!

久未露面的敏之日前在Facebook開live,跟大家分享湊B樂趣,不少網民都留話問點解敏之生完B後好似比以前更明豔照人,佢笑說因為生完BB開心咗,另外又透露自己餵緊人奶,所以要飲雞精幫助通奶,連探佢的朋友都係買雞精俾佢做禮物!

同時有不少網民跟敏之講生日快樂,敏之坦言今個生日十分難忘,因為係一個「爆喊塞乳」生日!原來早前一班朋友到敏之家玩,敏之只顧傾偈遲了去揼奶,於是乳腺塞咗啲奶谷住谷住,痛到佢眼淚直流!幸好有飲雞精及陪月姐姐幫手按摩先通番乳腺。