想新年煎糕煎得完美好睇? 4個煎糕秘訣你要知

想新年煎糕煎得完美好睇? 4個煎糕秘訣你要知

新年流流,親戚朋友上門拜年,唔煎番碟糕出嚟招呼人又點似樣?不過煎糕話易唔易,話難唔難,好易煎到黐哂底,或者搞到支離破碎,親友見到都唔好意頭;但如果煎到「撻成一塊」又失禮人。究竟點先可以煎到一碟完美嘅蘿蔔糕或者年糕呢? 記住以下幾個小秘訣,咁煎糕個陣就唔洗擔心啦!

撰文:Sunday Kiss |圖片來源:新傳媒圖片庫、網上圖片

4個煎糕小秘訣

1. 厚切半寸

年糕最好雪過夜先,切糕嗰陣千祈唔好切得太薄,因為太薄會好易黐底,想反轉件糕又會好易爛,半寸就最perfect喇!

煎糕,蘿蔔糕
蘿蔔糕要有一定既厚度先好拎去煎

煎糕,年糕

2. 熱鑊熱油

好多人以為想煎糕唔黐底,最緊要油夠多,其實係大錯特錯!想煎得靚,個鑊一定要燒得夠熱,再落少少油(如果用易潔鑊,更加唔需要太多油),等啲油均勻流遍鑊面之後,先直將啲糕擺落鑊。

煎糕

3. 留意火力

煎年糕既話,落鑊之後要較大少少火,煎到兩邊都變哂金黃色就搞掂!而煎蘿蔔糕就要用中細火,先煎4-5分鐘,之後翻轉再煎多3分鐘左右,就差不多喇!

新年煎糕,年糕
蘿蔔糕同年糕既煎法有少少唔同~

新年煎糕,年糕

4. 唔好多手

煎糕一定要有耐性,唔需要成日反,煎完一邊,先煎另一邊。例如年糕成日反就會好易黐埋一齊,而蘿蔔糕就會好易散晒。

新年煎糕,年糕

記住呢四個煎糕小秘訣,要煎一碟好食又見得人嘅糕點,應該唔難啦!

 

 

 

延伸閱讀:【新年必學】8個Step完成 親子合作DIY舞龍小手工

延伸閱讀:大年初一到年初九 16個新年禁忌千萬不要犯!

更多精選內容