【唔使再貼膠布!】 5招預防新鞋刮腳

【唔使再貼膠布!】 5招預防新鞋刮腳

相信唔少人都試過新鞋刮腳,小朋友鞋仔有時都會發生相同情況,最簡單嘅解決方法當然就係貼膠布啦,但係行行下,塊膠布都好易甩,而且俾人見到塊膠布又會覺得肉酸!新鞋最容易刮腳的地方,一個是腳踭,一個是腳指公外側,喺網上見到幾個令新鞋唔刮腳嘅方法,大家不妨參考吓!
編輯:Sunady Kiss | 原文:新Monday| 圖片來源:新傳媒圖片庫

1. 濕毛巾+風筒

風筒除咗用嚟吹頭外,原來佢重係可以整軟鞋踭嘅秘密工具!只要用濕毛巾濕濕鞋踭位,再用風筒吹出嚟嘅熱風向刮腳位置吹幾分鐘。然後用手按住刮腳位,咁就得㗎啦!不過大家記得千萬唔好將風筒擺得太近對鞋呀,因為太熱會令對鞋嘅皮受損。

除咗風筒,大家都可以用濕毛巾加錘仔、濕毛巾加鞋楔,首先都係用濕毛巾濕鞋踭位,錘仔就可以打下刮腳位,而鞋撐就係用嚟撐大對鞋!

2. 報紙+膠袋

唔好以為報紙污糟,佢就無用呀!只要將報紙濕少少水,揸埋一團,再用乾報紙包住濕咗嘅報紙,塞係刮腳位,再將對鞋放入膠袋,過夜之後拎返佢出嚟就得啦!

3. 番梘、凡士林或者蠟燭

著新鞋之前可以用番梘、凡士林或者蠟燭,喺同腳跟接觸最多嘅部分輕輕抹一層,鞋踭就會變得光滑唔會刮腳了!

4. 白酒+毛巾

見到白酒唔好以為靜係只可以用嚟飲先得架!佢都可以幫到你對鞋,因為白酒入面有乙醇,同對鞋嘅皮入面嘅蛋白質會產生化學作用,令到啲皮會變軟。方法好簡單!用毛巾浸少少白酒,再用夾夾住條毛巾係刮腳位,又係1晚已經可以搞掂晒!

5.護跟貼

如果你好懶,以上4樣都唔想做!咁你就買對護跟貼啦!只要貼佢係鞋踭,唔俾自己腳踭同鞋踭接觸,咁就唔會刮腳啦!

更多精選內容