【小創夢家】玩LEGO學數理

Albert稱家長可給予適當的指示及任務，令小朋友玩LEGO的同時，學到數理、科學知識。

LEGO提升學習興趣
很多家長都會買LEGO俾小朋友玩，別以為隨他們自由發揮就可訓練創意。2004年由加拿大拓展至香港的「香港兒童科技營」（The Genius Workshop），針對不同年紀階段開設多個LEGO課程，負責人Albert Chan表示：「十年前LEGO learning不熱門，家長通常幫小朋友報中、英、數班。」直至近年才出現學LEGO的趨勢，他認為以此教小朋友能大大提升學習興趣，「當小朋友玩LEGO時，他們根本不覺得正在學習，science變得不再死板。」他們與多間本地及國際學校合作，包括樂基幼兒學校、靈糧堂幼稚園、漢基國際學校、香港國際學校、美國國際學校及香港澳洲國際學校等，在校內舉辦LEGO科技課程，可見學校對LEGO學習的認同。Albert以他們的課程為例，介紹小朋友學習LEGO的三個階段，我們將之分為初階、進階和高階，家長可參考在日常生活中利用LEGO教小朋友。

幼兒宜用LEGO DUPLO，體積較大方便砌。

初階 跟指示用齒輪
小朋友3歲已可嘗試學LEGO，這個時期宜選用體積較大的LEGO DUPLO，避免幼兒誤吞。Albert表示：「5歲前最大的挑戰是難以專注，所以要用互動遊戲的方式教小朋友砌，增加他們的興趣，如先按指示砌風車，再慢慢加入齒輪、滑輪、斜面等概念，在風車上安裝這些簡易的裝置，令小朋友掌握基本的機械原理。過程中，可邊砌邊問小朋友，加深理解，好似齒輪是如何運作？哪些東西用到齒輪？其實升降機、超市收銀處的貨品輸送帶都會用到齒輪，只要用story telling的方式，連結到生活，小朋友不難明白。」Albert指他們的「機械探索班」（Mechanic Workshop）針對3至4歲半幼兒，逐步教他們完成每個LEGO作品，再挑戰他們一次過完成所有步驟，「先講原理， 再做再溫習」。小朋友到底是否明白這些原理？Albert教過最細兩歲10個月的幼兒，他不單能砌出要求的LEGO，亦理解齒輪的原理。

(左)初學LEGO的小朋友可在家長或導師指導下，先按步驟砌出作品。
(右)左邊的LEGO風車是初學者砌，當他們掌握基本的機械原理，就可砌出右邊的LEGO風車，加上齒輪、滑輪等簡易裝置。

進階 組合及改裝
當小朋友能掌握基本的機械原理，家長可放手讓他們自由探索，利用所學的原理去組合及改裝，實踐所構思的作品。Albert說：「這個階段可用細小的LEGO，多用不同的道具及裝置，不須只跟說明書砌，可嘗試自己改裝，除改變外觀，還可改結構令作品更具功能性。」Albert將「工程探索班」（Engineering Workshop）分為10級，適合5至14歲兒童學習，每個level按程度愈學愈深，當初階學會齒輪原理，level 1開始使用不同款式的齒輪砌，到level 10用到活塞，又有摩打、太陽能等等。導師在每堂先介紹相關理論，再由小朋友自由發揮組裝。Albert希望改變小朋友的學習態度，學會思考而非一味接收訊息，「小朋友接觸太多資訊，好似食快餐一樣，不必深究，上網就有基本資料。」

小朋友參考電腦上的圖片，嘗試利用槓桿、螺旋、車軸、楔子、齒輪和滑輪等元素，令LEGO能轉動或做出不同動作。

高階 研製機械人
在進階學會自行組裝後，小朋友可踏入高階學砌機械人。Albert笑言：「6歲的小朋友已想學整機械人，他們覺得大哥哥砌機械人好有型，不過實際上要年紀大少少、掌握更多科技知識才可砌機械人。」因此「天才機械人部門」（Robotic Divison）集中7至14歲的精英，他們做機械人前要先制訂結構、編寫程式和加強改裝，難度非常高，Albert解釋：「他們先構思想要的機械人，再在電腦上加設功能，明白有A、B發生才有C的道理，訓練邏輯思維和解難技巧，可能經過失敗先學識令機械人順利運作。」有家長反映，小朋友學LEGO後，數理、科學成績有進步，創意更好，平時識睇說明書、去旅行識睇地圖，對3D立體思維敏銳，可在腦中想像物件的多面角度。

高階者可將LEGO改裝成機械人的元素，如接駁電動功能，提升挑戰性。

在家學LEGO貼士
如果家長想在家教小朋友學LEGO，Albert分享兩個小貼士︰
1. 不要把整盒LEGO給小朋友自行去砌，應每次給予一個完成目標，如砌一架有轆的車、一間屋。
2. 玩LEGO「Creator」系列，小朋友可自由創作，毋須按說明書砌，讓他們構思說明書以外的作品。

玩家分享

盧柏匡 (拔萃男書院附屬小學–二年級)

盧太的大兒子就讀拔萃男書院附屬小學六年級，二年級已學LEGO，現時主力在學校學砌機械人，更是校內機械人組的成員。小兒子柏匡受哥哥影響，3歲開始學，比哥哥還早。盧太說：「佢哋好細個已經砌LEGO，用小肌肉學吓點擺位，上堂教識佢哋concept，識得自己砌，憑空想像modify，唔使跟instruction。」盧太分享兒子小時候與他們砌LEGO，會邊玩邊講故事。柏匡學LEGO四年，有助邏輯思維，更常自創玩具，如將車改裝成船。盧太指：「有次去飲茶，佢見到有女士用個圓圈勾掛手袋，佢識得講『我諗個圓圈要好重，先可以承托到個袋。』」他的力學知識令盧太感到意外。

阮亦秋 (地利亞加拿大學校–K3)

阮太的兒子在香港出生，之前在杭州生活，去年9月來港讀書。阮太說兒子平時有在家玩LEGO，她認為「LEGO可以鍛煉耐性、開發頭腦， 對小朋友有明顯的效果。」亦秋學了三、四個月，正在初階按指示砌風車，他對學LEGO興趣大，上堂時非常專注，鑽研怎樣砌出作品。

王嘉謙 (鰂魚涌小學–Year 5)

嘉謙自幼稚園開始學LEGO，「媽咪想我more creative，第一次玩已經好鍾意，依家DIY機械人，學緊moving object，要令佢郁動。」嘉謙覺得砌機械人令自己更有創意，他會在電腦設計機械人款式，再改裝，現正構思新的機械人。他家中有半間房擺滿LEGO，爸爸更笑說LEGO加起來花費六萬多元。

學LEGO助面試？
Albert同意近年多了學校用LEGO面試，樂基幼兒學校（九龍塘）黃范麗儀校長曾向他表示，有學生參加小一面試，學校提供LEGO及齒輪考驗小朋友，提示他們盡量用齒輪砌LEGO，其中兩個小朋友成功使用齒輪砌LEGO，令校方喜出望外。LEGO可能成為面試的其中一環，Bee Kids幼兒教育中心總監Kylie Cheung（Miss Kylie）表示：「部分學校面試會用LEGO，不過佔整個面試比例不多。主要以LEGO作為遊戲，如叫小朋友砌高，睇小肌肉運用，或者等候面試時，留意小朋友玩LEGO的反應。」而用LEGO於幼稚園面試較多，小學面試則少用。

撰文：Irene Lok
攝影：Clay Lam（部分相片由受訪者提供）