燉洋蔥止咳化痰 對BB孕婦最好的天然良方

燉洋蔥止咳化痰 對BB孕婦最好的天然良方

燉洋蔥好處是由天然疏果提取而成的汁,洋蔥有止咳及殺菌功效。如果孕婦喉嚨痕癢有乾咳,餵人奶時不敢吃西藥,燉洋蔥是一個好方法。平常大人細路間中飲下燉洋蔥水都可以,亦可當作日常保健!

編輯:Sunday Kiss | 原文&圖片:荔枝與孖寶

洋蔥好處

蔥蒜類蔬菜含有可預防癌症的生物活性化合物。研究人員指早前曾有研究結果指,把新鮮大蒜切碎能增強這些特性,但煮洋蔥會降低這種益處。

4款止咳嗽湯水對抗小兒咳嗽有助化痰 預防流感

天然止咳良方 燉洋蔥水

最初本來係大孖開始有幾聲咳, 半夜仲發埋燒, 孖媽當下即時用了天然療法去幫Caydan處理咳嗽同發燒問題,孖媽基本上係成晚無咩點訓,不停咁幫哥哥密密用, 差唔多到天光時哥哥已經回復返正常的體溫了. 而哥哥第2日起身亦都無再咳了. 好開心~

當我未開心完之際, 就發現到細路仔中招了, 而且細路嘅咳仲要係有痰, 同埋好快就發起燒上來! 我見Ramsey真係咳得好辛苦, 佢真係完全訓得唔好, 訓訓下就咳,就連食食下飯都因為咳嘔返哂d食物吐出黎, 仲無咩胃口食野, 病一病又輕左好多!!!

發燒呢一點, 可以話係孖媽密密用天然療法去處理之後, 總算止住了, 第2日細佬仔起身都已經無再燒. 但係痰咳就真係有d難搞, 我見佢咳到咁辛苦都好心痛!

所以就試下用天然止咳良方: 燉洋蔥水, 睇下會唔會有幫助.

中醫的角度認為, 春天為陽氣升發的時候, 乍暖還寒嘅天氣令到陽氣升發受阻礙,所以傷風感冒好易出現, 而洋蔥性辛味溫, 通陽散寒, 間接有預防感冒及促進感冒康復嘅功效. 但要提一下, 洋蔥主只可以應用係普通嘅傷風、初起嘅感冒,少少鼻水、怕冷等.


燉洋蔥水作法:

1/ 預備白洋蔥一個, 洗淨去皮, 備用(因為白洋蔥水份較高)

2/ 切開洋蔥成片狀, 放入燉盅內

3/ 開火隔水燉1小時

4/ 倒入杯內, 趁熱飲

我地今次用咗2個洋蔥,因為想比Ramsey 飲多dd, 不過其實燉埋都唔係好多. 所以如果用一個洋蔥燉出黎應該會仲小水.

而大家亦可以試下用一個天然嘅方法去吸菌, 未經証實, 但一試無妨, 可以將洋蔥切片, 用碟裝起, 放係屋企抗菌.

鱷魚肉湯食譜都可以潤肺化痰止咳改善氣管敏感防哮喘

我比細路飲之前自己都有試飲, 洋蔥水其實好清甜, 一d都唔會辣, 見到有一些分享說可以加蘋果, 我個人就喜歡單燉洋蔥嘅清甜和功效.


Ramsey都好喜歡, 一口氣就飲哂兩個洋蔥燉出來的洋蔥水了.

我都有將小小燉好嘅洋蔥切出來, 比2兄弟食, 佢地2個都好接受.

觀察到佢嘅咳係飲洋蔥水同其他天然療法之下係有舒緩咗一d , 雖然仲未完全止到咳, 唯有呢2-3日燉多幾次比佢飲啦!

孖媽溫馨小提示:

1. 洋蔥水可以每日一次, 先試下連續3日
2. 煲完就記得趁暖飲

3. 如果出現喉嚨痛、發燒等流感症狀, 可能洋蔥帶來嘅幫助就未必會咁大. 當然如果久咳不愈, 梗係要去睇醫生啦!

我和孖寶的Facebook Page:荔枝與孖寶

我和孖寶的 Instagram IG#:laichimama

燉洋蔥蘋果蒜頭水更好味

其實只係三樣材料就可以止咳,聽落又真係好似好神奇,不過其實洋蔥水之前都有好多朋友介紹過話係好有效,就連嚴浩都有介紹過。今次朋友仔依個古方就加左同樣可以殺菌嘅蒜頭,同埋又有蘋果嘅甜味,咁就即係變左勁易入口嘅甜水啦!

材料:

洋蔥
蘋果
蒜頭

做法:

1)一人份量就只係需要一個洋蔥、一個蘋果同埋三粒小 蒜頭 ~

2)洋蔥去皮之後切細塊; 蒜頭 去皮後拍鬆~

3)蘋果去皮切細細塊,平日我都鐘意用埋蘋果皮煲湯,因為蘋果皮都一樣好有益,但今次係需要燉啲蘋果汁出嚟,冇皮係會多啲汁出嚟呀~

4)係燉盅內倒放一個碗,然係將所有材料鋪上去~

5)然後放入電子燉盅內燉45分鐘(如果用明火隔水蒸燉的話30分鐘就可以啦)~

https://www.youtube.com/watch?v=yfP1ZtfynJE

更多精選內容